aatsitassat

Nunaoilimi aalassassimaartoqarpoq: Siulersuisut ingerlaannartumik tunuartut

Siulersuisuni siulittaasup tunuareerneratigut siulersuisuni ilaasortat pingasut tunuarput

Nunaoilimi siulersuisuni siulittaasup Frank D. Pedersenip Naalakkersuisunut Siulittaasup naalakkersuisoqarfiannik ataatsimeeqateqarsimanerata kingorna siulersuisunut siulittaasutut tunuarpoq.

Siulersuisuni siulittaasoq isumaqatigalugu siulersuisuni ilaasortat pingasut aamma tunuarput ingerlaannartumik. Siulersuisuni siulersuisut ataaseq minillugu tunuarput pingasunngormat, Tine Pars, Olav Boye, Sivertsen Naja Joelsen aamma Peter Helmer Steen nalunaarput.

Taamaallaat Peter Helmer Steen danskit naalagaaffiata sinniisuutitaa tunuanngilaq, taamaattoq siulersuisunut ilaasortat sinnerisa isummernerannut isumaqataasoq.

Allaaserineqartoq ilaneqaqqissaaq
Ingerlatseqatigiiffiup aningaasartuutimigut sipaarniuteqarnissaanut siulersuisut misissueqqissaarnissamik qinnuigineqarsimapput, soorlu aamma Nuna Oil A/S-ip pilersaarusiornermini aallutamigut piginnittut ingerlatseqatigiiffimmut pilersaarutaannut naapertuutsitsinissaat qulakkeeqquneqartoq, siulersuisuni ilaasortaajunnaartut nalunaarput.

- Inatsisini malittarisassanilu piginnaatitaaneq naapertorlugu siulersuisut licensini tamani Kalaallit Nunaata imartaani oliasiornermik oqartussat tunniussaanni ingerlatseqatigiiffiup naalagaaffiup ingerlataanut peqataanini aalluppaa, Tine Pars, Olav Boye Sivertsen, Naja Joelsen aamma Peter Helmer Steen nassuiaapput.

Naalakkersuisoqarfimmit oqaaseqaaterineqartut oktobarip aappaaneersut ima oqaaseqarfigaat:

- Anguniagassat allakkami taaneqarsimasut piviusoq naapertorlugu siulersuisut naliginnaasumik atuuffiannik taassumalu suliassanik agguataarinissaanut iliuusissanik periarfissiinngillat, siulersuisuujunnaartut nalunaarput.

Uuliasiornermik ingerlatseqatigiiffik Nunaoil Namminersorlutik Oqartussanit pigineqarpoq.

Powered by Labrador CMS