assammik arsarneq

Nunanut allanut unammisartuujunnaarallarpoq

Angtimmarik Kreutzmann assammik arsarnermi nunanut allanut unammisartuni peqataasarunnaarallarpoq

Angutimmarik Kreutzmann assammik arsarnermi nunanut allanut unammisartuujunnaarallarpoq

Angutimmarik Kreutzmann Nordsjælland Håndboldimi unammisartuuvoq assammik. Assammik arsartartut nunanut allanut sungiusaasuat Niels Møller nalunaarfigereerpaa Panamerikamut anngunniunnermi Mexico City-mi ingerlanneqartussami peqataasinnaanani.

- Peqataasinnaanani nalunaaruteqarneq soorunami aalajangerneq ajornanngitsuinnaanngilaq, Angutimmarik Kreutzmann Sermitsiaq.AG-mut oqarpoq.

- Nunanut allanut sungiusaasoq Niels Møller ukiaq nalunaarfigaara peqataasinnaanaviarnanga. Eqqarsaatigilluareerlugu taama aalajangerpunga, ukiuni kingullernimi aamma eqqarsaatigisarsimagakku. Qularutigineqassanngilaq maannakkut sukataarama arsartariaasigisimasara tigoqqinniarsarigakku. Ukiuni kingullerni ajoqquseqattaarnerit malunnaataasimaqaat, maannakkulli ajunngitsup tungaanut ingerlavunga.

- Nunanut allanut unammisartuunissaq piffissamik tigusisaqaaq. Aamma angalangaatsiartoqartarpoq piffissamik atuinartunik. Maannakkut unammiffigisartakkannut ukioq mannamuugallaq isumaqatigiissusiornikuuvunga, susinnaanermik takutitsinissamik unamminerit amerlajunnaareerput, Angutimmarik Kreutzmann oqarpoq.

Angutimmarik Kreutzmannilli nalunaarutigaa nunanut allanut unammisartuunini unitsikkallalaaginnarlugu.

Powered by Labrador CMS