assammik arsarneq
Nunanut allanut unammisartut septembarimi siullermik katersuutissapput
Angutit nunanut allanut unammisartut Amerikap nunavittaani 2018-imi pissartanngorniunnissamut kissassilereerput
Angutit assammik arsarlutik nunanut allanut unammisartuisa Amerikap nunavittaani pissartanngorniunnissamut piareersarnerit aallartilereerpaat, taanna Nuummi 2018-imi pisussaavoq.
Katersuunneq siulleq
Unammisartunut Nunatsinniittunut katersuunneq siulleq Nuummi septembarip 23-anit 25-ata tungaanut nunanut allanut sungiusaasoq Niels Møller aamma ikiortaa Ingi Olsen aqutsisoralugit pissaaq.
Unammisarut 20-t uku Nuummi katersuunnissamut aggersarneqarput:
- Nunno Lars Olsen, N48
- Taatsiaq B. Villadsen, NUK
- Isak Olsen, GSS
- Lars Ole Lyberth, GSS
- Nuka Heilmann, GSS
- Inuk Olsen, GSS
- Mikkel Ostermann, Norsaq
- Nukannguaq Salomonsen, SAK
- Inuujuk O. Søholm, Norsaq
- Karl F. Frederiksen, GSS
- Eqalunnguaq Kristiansen, GSS
- Danny Brandt, GSS
- Gustav O. Egede, NUK
- Miki Duko Sørensen, GSS
- Aqqaluk Lukas Lings, GSS
- Miki Heilmann, GSS
- Siverth Frederiksen, GSS
- Karl Brandt, Norsaq
- Ulloriannguaq Nielsen, GSS
- Lars Møller, N48
Unammisartunut piumasaqaat
Nunanut allanut unammisartut sungiusaasuat Niels Møller, Kalaallit Nunaanni Assammik Arsartartut Kattuffiat peqatigalugu unammisartunut peqataanissaminnut kissaateqartunut piumasaqaasiorsimapput.
Unammisartunut piumasaqaatinut ilaapput, sungiusarnermut tunniusimanissaq, nerisaqarneq aamma nunanut allanut unammisartutut qanoq pissusilersortoqassanersoq.
Ukioq manna Amerikap nunavittaani pissartanngorniunnermit allaaserisat uani atuakkit