assammik arsarneq

Nunanut allanut unammisartut nukittunerunissaat sungiusaasumit piumasarineqarpoq

Danmarkimi Nunatsinnilu assammik arsartartut nunanut allanut unammisartut sungiusaqatigiipput Nuummi. VM-imut anngunniutissapput qaammatit marluk qaangiuppata

Assammik arsarnermi nunanut allanut unammisartut

Assammik arsartartut nunanut allanut unammisartut sungiusaasuata Jakob Andreasenip sungiusaqatigiinneq iluatsilluartutut oqaatigaa.

Taamaattorli oqaatigaa nunanut allanut unammisartut timimikkut suli nukittusariaqartut.

- Sungiusaqatigiinnermi unammisartut nukittorsarnissaat qitiutillugu sammivarput. Annertuumik tamanna sulissutigineqarpoq, Jakob Andreasen oqarpoq.

Silkeborg – Voel KFUM-ip arnartaani unammisartuni timikkut sungiusaasuat Lars Mars Johansen Nuummeeqatigaa. Sungiusaaqataavoq, sungiusarnissanut aamma programmilersuivoq siunnersuillunilu. Timigissarnissamut aamma saqqummiussivoq pingasoriarluni.

Anngunniunnerit
Sungiusaqatigiittoqarnera Jakob Andreassenip naammagisimaarpaa.

- Sungiusaqatigiinnerput ingerlalluarpoq. Unammisartut tunniusimalluarnerat nuannaarutigaara, oqarpoq. Danmarkimi unammisartut aamma Nunatsinni unammisartut nunanut allanut unammisartut tamarmik peqataapput.

VM-imut anngunnissaq nunanut allanut unammisartut anguniarpaat. VM Danmarkimi decembarimi ingerlanneqassaaq. Anngunniutivinnissamut anngunniuuteqqaassapput Puerto Rico-mi apriilimi. Anngunniutivinneq Cubami maajimi ingerlanneqassaaq.

Powered by Labrador CMS