arsaanneq
Nunanut allanut unammisartut Danmarkimut sungiusariassapput
Nunanut allanut unammisartut sungiusaasuisa unammisartut imminnut unamminerulersinniarpaat
Arsaattartut 24-t nunanut allanut unammisartut Danmarkimut sungiusariassapput.
Nunanut allanut unammisartut sungiusaasuisa marluk Rene Olsenip Tekle Ghebrelul-illu sungiusaatigalugu unamminerit atorniarpaat unammisartut piginnaasaqarnerulersinniarlugit, taamaasilluni nunanut allanut unammisartunut ilanngunnissamut unammilligassaq annertunerulersillugu.
Inissat sorsuutigissavaat
– Pingaaruteqarpoq unammisartut unammilligassaq ilisimassagaat, nunanullu allanut unammisartuni inissat sorsuutigalugit. Taamaasilluni tamanut nuannernerujussuanngussaaq, aammattaarli nunanut allanut unammisartunut ilanngunnissaq ajornakusoornerulerluni, sungiusaasut tusagassiorfinnut nalunaarummi allapput.
B.93
Tamatumunnga atatillugu nunanut allanut unammisartut sungiusaasuisa Københavnimi arsaattartut klubbiannik B.93-imik suleqateqarneq, januaarimi aallartinneqarsimasoq, neriunaertoqartilluarpaat.
Suleqatigiinnikkut ilaatigut nunanut allanut unammisartut kakkannerpaat 2 - 3-t tassani misiliummik sungiusarsinnaapput - immaqalu arsaattartoqatigiinnut ilanngullutik.
Kalaallit Nunaata unammisartui
Målmandit
1. Gabriel Petersen
2. Brian Kleist
Kingukkaat
3. Mika Davidsen
4. Miki Efraimsen
5. Niels Svane
6. Aputsiaq Birch - ajoquseqqavoq/peqataassanngilaq
7. Lars Erik Reimer
8. Nukannguaq Zeeb
Qeqqaniittut
9. Angula Kielsen
10. Kaassannguaq Zeeb
11. John Ludvig Broberg
12. Niklas Thorleifsen
13. Katu Madsen
14. Marko Geisler
Siukkaat
15. Nick Reimer
16. Kaali L. Mathæussen
17. Hans Karl Berthelsen
18. Ari Hermann
19. Jørgen Peter Petersen
20. Kuluk Hermansen
21. Poul Thomas Kuko
Danmarkimi najugallit
22. Malik Juhl
23. Patrick Frederiksen - juunip 20-anni Argentinamit tikissaaq
24. Johannes Groth
Peqataasinnaanatik nalunaartut, truppimili ilaasut
Markus Jensen
Nathan Møller
Kuluk Ezekiassen