Nunanut allanut unammisartut B93-imi misiliillutik sungiusassapput

Grønlands Boldspil-Union, Nunatsinni arsaattartut kattuffiat, Københavnimi klubbimut B93-imut ukiuni pingasuni atuuttussamik isumaqatigiissuteqarput, tassani nunanut allanut unammisartut pitsaanerpaat marluk pingasulluunniit misilitsillutik sungiusarsinnaasassapput - taamaalillutik immaqa tassani unammisartunngorsinnaallutik. Bold.dk taama allappoq.

Sungiusaatigalugu unammineq
Tamatuma saniatigut isumaqatigiissutip kinguneraa, kalaallit nunanut allanut unammisartui Københavnimi arsaattartut sungiusartarfianni sungiusaatigalugu mini-VM-imi Ruslandimi unamminissamut piareersarnissaannut atatillugu unammissagaat.

B93 2. divisionimi unammisartuupput.

Isummersuisoq
- Suliniutit nutaat qiimmannartorujussuupput, allaanerullutillu aamma klubbimut isummersuippt. Arsaannermik kulturimit allamit pissarsiaqaatigaluta, illuatungaanik kalaallit nunanut allanut unammisartui pitsaanerit ineriartortinnissaannut ikiuussinnaavugut, taamaalillutik landsholdini unammilluarsinnaanerullutik, sungiusaasoq Morten Rutkjær klubbip nittartagaanut oqarpoq.

Atuaruk: Sungiusaasoq: Nunanut allanut unamminerit amerlanerusut