Polar Nanoq
Nunanut Allanut Pisortaqarfik immikkut sianerfissamik ammaavoq
Polar Nanumut pisunut attuumassuteqartunut ilaqutaasut sianerfissamut paasiniaasinnaapput siunnersorneqarsinnaallutillu
Islandimut tunngassuteqartut pillugit ernumassuteqaraanni Islandimilu pisunut attuumassuteqartunut ilaqutaagaanni, maanna nunanut allanut tunngasunut pisortaqarfimmi oqarasuaatinut sianertoqarsinnaavoq.
Nunanut Allanut Pisortaqarfik immikkut sianerfissamik ammaaneratigut ilaqutaasut attuumassuteqartullu sianersinnaapput.
Ataatsimeersuarnissaq unitsippaa
Nunanut allanut naalakkersuisup Vittus Qujaukitsup Islandimi kalaallit tigusaaqqasut isumaginiarlugit Norgemi ataatsimeersuarnermi peqataanissaraluani taamaatiinnarpaa, tamanna KNR.gl-imi allaaserineqarpoq.
Ataatsimeersuarneq Europami ministerit arlallit ataatsimeersuarnerat taamaasilluni unitsiinnarpaa.
Kalaallimik oqaloqateqarumagaanni oqarasuaammut 55 33 28-imut sianertoqarsinnaavoq, Naalakkersuisut ilisimatitsipput.