Skip to main content

Nunanut allanut pisortaq soraarsitaq EU-mi nutaamik atorfittaarpoq

EU-p nunanut allanut attaveqarfeqarfiani Kai Holst Andersen 1. september aallartissaaq.

Siusinnerusukkut nunanut allanut pisortaasimasoq Kai Holst Andersen EU-mut uteqqissaaq.

Twitter-imi facebook-imilu profil-imini allassimavoq

-   Septembarimiit Europæiske Union-imi ataatsimoorussamik sillimaniarnermut illersornissamullu tunngasut suliarilissavakka. Suliassat nutaat pissanganat, Kai Holst Andersen twitter-imini allappoq.

EU-mi nunanut allanut tunngasuni attaveqarfeqarfiani sulissaaq European Union Action Services-imik taaguusersorneqarsimasumi.

Taamaasillunilu EU-mut siusinnerusukkut taassalu ukioq 2010-mit ukioq 2012-imut suliffeqarfigisimasaminut uteqqissalluni.

Kai Holst Andersen Namminersorlutik Oqartussat nunanut allanut pisortaqarfiani nunanut allanut pisortatut ukioq 2013-imiilli sulivoq.

Atorfigisaminiit 1. maj soraarsitaavoq, Vittus Qujaukitsup nunanut allanut tunngasuni naalakkersuisutut soraartariaqalersinneqarnerata kingorna sapaatip akunnerinnaa qaangiuttoq.

Pisortatigoortumik illuatungeriit isumaqatigiissuteqarfigalugu soraarnertut isumaqatigiissuteqarfigaat, isertugaataanngilarli Kai Holst Andersen-ip kissaatiginngisaanik pisoqarfiusoq.

Illuatungeriillu akunnerminni isumaqatigiissuteqarfigimmassuk Kai Holst Andersen-ip imaluunniit siulittaasup naalakkersuisoqarfianit soraarsitsinermut suut tunngaviusimanersut oqaaseqarfigisinnaanngilaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER