Ilulissat
Nunani Avannarlerni Ministerit Siunnersuisoqatigiivisa Ruslandimi suliatik amerlasuut unitsikkaat
Skt. Petersborg suliat arlaqartut piffissaligaanngitsumik unitsinneqarallartut nalunaarutigineqarpoq
Nunani Avannarlerni Ministerit Siunnersuisoqatigiivisa Ruslandimi suliffeqarfik piffissaligaanngitsumik matuneqarallartoq Nunanut Allanut ministeriaqarfik nalunaaruteqarpoq.
Nunat avannarliit suleqatigiit Ilulissaniinnerminni tamanna aalajangerpaat pingasunngormat.
Nunani Avannarlerni Ministerit Siunnersuisoqatigiivisa suleqatigiinnikkut siulittaasuata Carsten Hansenip, Socialdemokraterne, Skt. Petersborgimi allaffeqarfiup matusariaqarallarnera uggoraa.
- Nunani allanisut inissinneqarnerput akuersaarneqarsinnaanngilaq, Carsten Hansen nalunaaruteqarpoq.
Siunissami susoqassanersoq suli ilisimaneqanngikkallarpoq.
Nunani Avannarlerni Ministerit Siunnersuisoqatigiivisa Ruslandimik suleqateqarnerat pingaaruteqartoq, Nunani Avannarlerni Ministerit Siunnersuisoqatigiivisa siulittaasuata Dagfinn Høybråtenip oqaatigaa.
- Ruslandimik suleqateqarnerup unitsinneqarallarnera sunniuteqassaq, oqarpoq.
Allaffeqarfimmi atorfeqartut 25-it aalajangernermut eqqorneqarput.