NunaMinerals
Nunamineralsip naatsorsuutiminik saqqummiussinissani kinguartippaa
Aatsitassarsioqatigiiffiup ajornartorsiortup ukiumoortumik naatsorsuutiminik saqqummiussinissani aapriilip 17-anut kinguartippaa
Nunamineralsip ukiumoortumik 2014-imut naatsorsuutaasa marsip 31-ani saqqummiunneqarnissaangalui aapriilip 17-anut kinguartinneqarput.
Kinguartitsinerli kisimi pisinnaavoq aatsitassarsiutileqatigiiffiup aningaasaqarnermigut ajornartorsiornini kinguartitsinermi nalaani qaangersimassappagu.
- Aaqqiissutaasinnaasumik nassaartoqanngippat, taava suliffeqarfiup 2014-imi naatsorsuutini saqqummiussinnaanngilai, Nunamineralsip siulersuisuini siulittaasoq, Birks Bovaird, allappoq.
Aningaasaliisinnaasunik oqaloqateqarput
Birks Bovairdip paasissutissiinera najoqqutaralugu Nunamineralsi aningaasaliisinnaasunik Naalakkersuisunillu, inaarutaasumik aaqqiissuteqarsinnaasunik suli oqaloqateqartoq.
- Kisianni killiffik imaannaanngitsumiippoq, aaqqiissutissamillu nassaartoqanngippat, taava suliffeqarfik akiliisinnaajunnaarluni nalunaaruteqartariaqalissaaq, siulersuisuni siulittaasoq ilisimatitsivoq.
Nunamineralsimi piginneqatigiissutinik Nasdaq Copenhagenimi piffissami matumani matoqqatinneqarallarpoq.
Nunaminerals pillugu allaaserisat allat uani atuakkit