aatsitassarsiorneq
Nunamineralsip aningaasaqarnikkut ajornartorsiortup annaanneqarnissani upperaa
Kalaallit Nunaata aatsitassarsiornikkut suliffeqarfiata aningaasanik tigoriaannarnik peqalernissaminut suli ujaasivoq
- Nunamineralsip aningaasaqarnera Naalakkersuisunngortunit suliffeqarfimmiillu aaqqiissuteqartoqarsinnaanera upperaarput, taamaasiornikkut suliffeqarfiup siunissaa aamma qulakkeerneqarsinnaassammat.
Nunamineralsip siulersuisuinut siulittaasoq Birks Bovaird tusagassiutinut nalunaarummi oqarpoq.
Taamaattumik Nunaminerals A/S-ip aningaasaqarnikkut annaanneqarsinnaanissaa suli neriuutigineqarpoq.
Inatsisartuni Aningaasaqarnermut Akileraartarnermullu Ataatsimiititaliaagallartoq 4,5 million koruuninik Nunamineralsip novembarimi, decembarimi januaarimilu ingerlatsineranut atukkiivoq. Nunamineralsip atukkinneqarnissaanut Naalakkersuisuugallartut siunnersuuteqareernerisa kingorna Nunaminerals 4,5 million koruuninik atukkeneqarpoq.
Aningaasanik ujaasineq
Nunamineralsip aningaasaqarnikkut marsip 31-ani ajornartorsiuteqartoq nalunaarutigineqarpoq.
- Naalakkersuisooqatigiilersut nunanut allameersunut aatsitassarsiorniartunut ammasuupput. Kalaallit Nunaanni unammilleqatigiittoqarnerunissaa pingaartinneqarpoq. Suliffeqarfiit akileraartarnerat appartinneqarniarneqarpoq nalikillliliisarnerlu pitsanngorsaaffiginiarneqarluni. Atukkiinermut, aningaasaliiffgineqarnermut qularnaveeqqusiinerillu aamma pitsanngorsarniarneqarput, Birks Bovaird, aningaasaliiniartunik pissarsiortoq, oqarpoq.