Nunamineralsip akiliisinnaajunnaarnera pillugu Kim Kielsen oqaaseqarpoq

- Aaqqiissutissanik nutaanik nassaarniarnissanut Naalakkersuisut nutaat periarfissatik tamarmik atorlugit iliuuseqarput. Nunamineralsip ajornartorsiorneranit aniuisinniarlugu Naalakkersuisunit iliuuseqarpugut aningaasanik atukkiinikkut suliffeqarfiullu siunissaanut pilersaarusiorluta.

Nunamineralsip akiliisinnaajunnaarnini nalunaarutigereeraa Naalakkersuisut siulittaasuat Kim Kielsen, Siumut, Sermitsiaq.AG-mit apersorneqarami oqarpoq.

Akiliisinnaajunnaarnera ajuusaarutigaa
- Nunamineralsip siulersuisuisa suliffeqarfiup akiliisinnaajunnaarneranut nalunaarutaa qanoq oqaaseqarfigisinnaaviuk, Kim Kielsen?

- Aatsitassarsiornermi misissueqqissaartarfik Nunaminerals Nunatsinnut pingaarutilittut inissisimavoq ukiuni arlaqartuni. Akiliisinnaajunnaartoqarnera suliffeqarfiup siulersuisuinit nalunaaruteqartoqarnera ajuusaarutigaara.

- Siulersuisut aamma Naalakkersuisut neriuutigisimagaluarpaat aaqqiissutaasinnaasunik nassaartoqarsinnaassasoq.

- Taamaattumik Inatsisartuni Aningaasaqarnermut Ataatsimiititaliap Nunamineralsimut 4,5 million koruuninik aningaasanik atukkiisimanerat nuannaarutigaara. Naak suliffeqarfik ajornartorsiornerminit aniguisinnaannginnissaanik periarfissaqaraluartoq taamatut aalajangerneq eqqortuuvoq, Naalakkersuisut siulittaasuat Kim Kielsen oqarpoq.

- Taamaasillunimi Nunaminerals aningaasanik piffissamillu tunineqarpoq suliffeqarfip ingerlariaqqinnissaanik misissuisussanngorluni.

- Taamaasilluni aamma Naalakkersuisut aalajangernissamut periarfissinneqarput ilumut Nunamineralsimik piginnittuuginnassanerlutik. Qineqqusaartoqarneratami nalaani Nunamineralsimut aningaasanik atukkiisoqarpoq, tamannalu partiinit siammasissumik aalajangiiffigineqarpoq. Taamatut aalajangertoqarnerata nalaani sulimi periarfissaqarpoq suliffeqarfik akiliisinnaajunnaarnissaanut.

Aaqqiissutaasussanik Nunamineralsilu ujartuineq
- Siulersuisut januaarimi immikkut ataatsimiittoqarnerani aaqqiissutaasussanik saqqummiussaqarput, immaqa tamanna inuit ilaasa eqqaamavaat. Isumaqarpugut taanna iluaqutaasimasinnaagaluartoq. Aningaasaliisuniilli amerlanerussuteqartunit siunnersuutigineqartoq itigartinneqarpoq, tamatumalu kingorna aaqqiissutaasinnaasunik siunnersuuteqartoqanngilaq ajoraluartumik.

- Suliffeqarfiup siulersuisui uannit ilisimaneruaat nunanit allanit qanoq aaqqiissutissanik saaffiginnittoqarsimanersoq.

- Nunaminerals qanoq ajornartorsiornerminit aniguisinnaanersoq siulersuisut peqatigalugit januaarimili oqaloqateqartarpugut. Suliami ataasiinnarmi uagut peqataavugut. Aaqqiissutaasussanik nassaartoqarsimanngilaq ajoraluartumik. Tamannalu Nunamineralsip siulersuisuinit sisamanngormat nalunaarutigineqarpoq.

- Nunamineralsimut aaqqiissutaasinnaasunik nassaartoqannginnera soorunami ugoornarpoq. Suliffeqarfik annariaqqiffissaqarsimanngitsoq paasivara, taamaattumillu akiliisinnaajunnaartoqarneranik nalunaarutiginnittoqarpoq.

- Suliffeqarfiup akiliisinnaajunnaareernerata kingorna sooq suliffeqarfiup akiliisinnaajunnaarnera pillugu eqqoriaanerit uanga pinngitsoorsinnaanngilakka. Kisianni Nunaminerals peqatigalugu aaqqiissutaasinnaasunik oqaloqatigiittareerpugut.

Annaannissaa akisussaaffiillu
- Nunamineralsip aningaasaqarnikkut ajornartorsiortup annaanneqarnissaa upperisimaviuk?

- Nunamineralsip aningaasatigut ajornartorsiornera ilisimaneqareerpoq uagut ikiuinissamut ilanngukkatta. Kisianni ilisimaneqartariaqarpoq Nunaminerals pissanganartunik suliaqartuusoq, taamaattumillu nunanit allanit aningaasaliiffigineqartarpoq. Nunaniimmi allanit aningaasaliisoqarsimasoqarsinnaavoq suliamillu ingerlatitseqqilluni. Uagut suliffeqarfiup aningaasaqarnerata aaqqinnissaanut ikiueqataagaluarpugut, ajoraluartumilli tamanna naammassimanngilaq.

- Nunamineralsip akiliisinnaajunnaarnera kia akisussaaffigaa?

- Nunamineralsimi siulersuisut tamanna apeqqut akissavaat. Siulersummiuku uunga killiffimmut aalajangiisut.

- Namminersorlutik Oqartussat, Naalakkersuisut Inatsisartulluunniit akisussaaqataappat?

- Nunamineralsip annaannissaanut periarfissiisimanerput pissutaalluni akisussaaqataavugut. Taanna akisussaaffik tigusinnaavara. Inatsit malillugu pilersaarusiornissanut peqataasimanigut akisussaaffigisinnaavakka. Suliniutinut allanut peqataanissatsinnut inatsisitigut peqataasinnaanngilagut. Taamaattumik pisoq allanngortinneqarpallaarsinnaanngilaq, Kim Kielsen oqarpoq.

Aningaasaliisut
- Nunamineralsip taartissaanik pilersitsisoqarnissaa Naalakkersuisut pilersaaruteqarpat?

- Nunamineralsip soqutigineqarnera Kalaallit Nunaannut iluaqutaavoq.

- Nunaminerals Namminersorlutik Oqartussanit pigineqannginnera eqqaamaneqartariaqarpoq. Børsikkut aningaasaliiffigineqarsinnaavoq, uagut pingajorarterutaa pigaarput, sinnerisa aningaasaliisut pigaat. Nunaminerals Namminersorlutik Oqartussanit aqunneqanngilaq, suliffeqarfik aamma aningaasanut inatsimmi ilaanngilaq. Suliffeqarfiuvoq namminersortoq. Namminersorlutik Oqartussanit qangalili aqunneqarunnaarpoq.

- Aatsitassarsiornermi misissueqqissaartarfimmik Kalaallit Nunaanni aallartitsisoqaqqinnissaa oqaatigiuminaappoq. Tamanna piffissap takutikkumaarpaa. Aatsitassarsiornermi misissueqqissaartarfinnik amerlanerusunik Kalaallit Nunaat peqarsinnaavoq aningaasaliisunit ingerlanneqartut. Suliffeqarfiup 'Kalaallit Nunaaninngaanneernissaa' 'Namminersorlutik Oqartussaniillu pigineqarnissaa' assigiissuteqanngillat, Naalakkersuisut siulittaasuat oqarpoq.

Misissuinerit annaaneqassanngillat
- Nunamineralsip aatsitassarsiornermi misissueqqissaarsimaneri annaaneqassanngillat. Suliffeqarfik ingerlaqqissinnaajunnaaraangat suliarisimasaat allattoqqissaarneqartarput, misissuisimanerit annaaneqannginnissaat anguniarlugu.

Nunamineralsip aktiaataanik pisisinnaaneq februaarimi piffissaligaanngitsumik unitsinneqarpoq. Kalaallit Nunaanni Eqqartuussivianut sapaatiummat nalunaaruteqartoqarpoq Nunaminerals akiliisinnaajunnaartoq.

Nunaminerals Kalaallit Nunaanni aatsitassarsiornermi misissueqqissaarnermi siuttutut inissisimagaliuarpoq.