NunaMinerals
Nunamineralsimi pisisinnaaneq unitsinneqarpoq
Danskit fondsbørsianni Nunamineralsip aktiaataannik pisisoqarsinnaajunnaarpoq
Nunamineralsip aktiaannik danskit fondsbørsiatigut Københavnimiittumi pisisinnaaneq unitsinneqarpoq.
Ritzau Finans tallimanngornermi allappoq.
- Ingerlatseqatigiiffimmit nalunaartoqarnissaa utaqqineqarpoq, fondsbørsen allappoq.
Nunamineralsip pisortaanera Ole Christiansenip ingerlatseqatigiiffiup siulersuisuinut nalunaarpoq ingerlatseqatigiiffimmi pisortaanertut tunuarniarluni nalunaarpoq sapaatit akunneri pingasut matuma siorna.
Ole Christiansen soraarniarnermini qaammatini aqqaneq-marlunnik sivisussuseqartussami pisortaaneratut ingerlaannassaaq. Siulersuisut allatut isumaqatigiissuteqarfigineqanngippata 2016-imi februaarip aallaqqaataani atuutilersumik suliunnaavissaaq.
Ingerlatseqatigiiffiup aningaasatigut qanoq inissisimanera februaarip aappaani nalunaarutigineqarpoq. Nalunaarut Nunamineralsip ataatsimeersuarnerani januaarip 29-anit pisumit nalunaarutaalluni.
- Namminersorlutik Oqartussanit Greenland Holdingimiillu aningaasanik atukkiinerup 2015-mut sivitsorneqanngilaq, nalunaarutigineqarpoq.
Nunamineralsip Københavnimi fondsbørsenimi ilaasortaajunnaarusunnera ingerlatseqatigiiffiup ataatsimeersuareernerata kingorna Ole Christiansenimit nalunaarutigineqarpoq.
Nunaminerals aningaasaqarnikkut ajornartorsiorpoq, siunissamilu ingerlaannarnissaa suli ilisimaneqanngilaq.
Ole Christiansen apersorniarlugu Ritzau tallimanngornermi sulissuteqaraluarpoq.