amigartooruteqaqqinneq
Nunaminerals pappialanik nalilinnik niuffaffimmit mianersoqquneqartoq
Naak Nunamineralsip 2013-imi amigartooruteqarnissani naatsorsuutigisimagaluaraa suliffeqarfik 60,7 million koruuninik amigartooruteqarpoq, tamannalu kinguneqartinneqassaaq
Nunaminerals 60,7 million koruuninik amigartooruteqartoq Sermitsiaq.AG-mi marlunngornermi allaaserineqarpoq.
Suliffeqarfik ilaatigut Namminersorlutik Oqartussanit piginneqataaffigineqartoq 2013-imut naatsorsuutinut inernera taama saqqummiunneqarpoq.
Danskit aviisiat Berlingske Business allappoq Nunaminerals Københavnimi pappialanik nalilinnik niuffaffimmi, Københavns Fondsbørsimit nakkutigineqalersimasoq. Kukkunersiuisup naatsorsuutini inerniliussaqarsimannginnera pissutigalugu Fondsbørsen taama iliuuseqarpoq.
Nasdaq OMX Copenhagen nalunaarpoq.
Nunamineralsimit naatsorsuutigineqareerpoq
Naatsorsuutit malillugit Nunaminerals 2013-imi 60,7 millionit koruuninik amigartooruteqarpoq, aningaasaataalu tigoriaannaat maanna 5000 koruuniinnaalluni.
Nunamineralsip aktiai marlunngornermi 10,8 procentimik apparput, aktia ataaseq 7,1 koruuninik naleqalerluni.
- Nunamineralsimi aningaasatigut 2013-imi ingerlaneq naatsorsuutigineqareerpoq, nalimmassaasoqareerneratigut 54 million koruuninik naleqarsimasoq 2013-imut amigartoornermut malunnaataasupilussuupput, Nunaminerals allappoq.