eqqartuussivik
Nunaminerals juullilerpat aalajangiiffigineqassasoq
Nunatta Eqqartuussiviata tuluit suliffeqarfimmik piginnittut naggataamik annaassiniarnissaannut decembarip 20-annut killilerpai. Taamanikkussamut akiligassaqarfiit 60 procentii qularunnaartissimassavaat suliffeqarfiup akiliisinnaajunnaarsinneranit ingerlateqqinnissaa pissarsiffiginerusinnaallugu
Nunattat Eqqartuussiviata ujaasinermik suliffeqarfik aqqugaasaqarsimaqisoq Nunaminerals, septembarimi akiliisinnaajunnaartutut suliarineqarnera unitsinneqartoq, qaammatinik marlunnik piffissalerpaa akiligassaqarfimminik killiiniarnissaanut.
Taamanikkut suliffeqarfiup eqqartuussivimmi uppernarsarsinnaasimavaa suliffeqarfiup akiligassaqarfiisa qularnaveeqquteqanngitsut, assersuutigalugu Nunamineralsip ingerlatsivittut qullersaqarfiani, 40 procentii sinnerlugit aningaasaatimik ilaasa utertinnissaannut isumaqatigiissummik isumaqatigiissuteqarnissamut piareersimasut.
Aaqqiissuteqartoqarsinnaasoq
Taamaariarmat eqqartuussivik aalajangiivoq ilimanartoqartoq akiligassaqarfinnut naammaginartumik aaqqiissuteqartoqarsinnaasoq. Taavalu suliffeqarfiup akiliisinnaajunnaarneranik suliaq, pisortaasimasup Ole Christiansenip piumasaa malillugu aallartinneqarsimasoq, unitsikkallarneqarpoq.
Maanna eqqartuussiviup piumasaqaatit aalajangersarsimavai. Nunaminerals decembarip 20-annut piffissalerneqarpoq isumaqatigiissusiornissaminut, akiligassaqarfiit ikinnerpaamik 60 procentiisa isumaqatigisinnaasaannik. Tamanna iluatsissappat suliffeqarfik maanna piginnittumi tuluit ataanni ingerlaqqissinnaavoq – tamannalu iluatsinngippat akiliisinnaajunnaarneranik suliaq nangeqqinneqassaaq.
Allaaserisaq tamaat aviisimi AG-mi atuaruk, taanna ullumi pisiniarfinni pisiarisinnaalerpat. Aviisi uani aamma pisiariuk: