naligiinnginneq
Nunami naligiiffiunngitsumik naligiissitaaneq pillugu sorsunniarpugut: Akissarsiat assigiinngitsorujussuit
Ukiup ataatsip ingerlanerani angutit Kalaallit Nunaata avataani inunngorsimasut akissarsiaat maani nunami 43.000 koruunik amerleriarsimapput. Aamma arlalitsigut inuit akissarsiaat amerliartorput
Naalakkersuisooqatigiilersut partiit pingasuusut innuttaasut assigiimmik atugaqalernissaannik anguniagassaminnik angusiniarunik suliassarujussuaqarput.
Tassami pisuut piitsullu, arnat angutillu aamma najukkaniittut avataaneersullu assigiinngissutaat annertusiartorput.
Tamanna Naatsorsueqqissaartarfimmit suliassaqarfimmi kisitsisini kingullerneersuni takuneqarsinnaavoq, taakkulu saqqummiunneqaqqammerput.
Atuaruk: IA-p siulittaasua: Assigiinngissuseqarneq kikkut tamarmik akiussavaat
Amerleriaaterujussuit
Inuit Kalaallit Nunaanni inunngorsimasut taassumallu avataani inunngorsimasut isertitaasa assigiinngissusiat marlunnarnersaapput.
2013-miit 2015-mut angutit akissarsiaat tamakkiisut (Kalaallit Nunaata avataani inunngorsimasut) 486.000 koruuniniit 537.000 koruuninut amerlisimapput. Tassa imaappoq inunnut tamakkununnga ukiut marluk ingerlaneranni akissarsiat agguaqatigiissillugit 51.000 koruuninik amerleriarsimasut.
Akissarsiat amerlinerpaaffiat 2014-miit 2015-imut pivoq, taakkunanilu inuit tamakku 43.000 koruuninik isertitaqarnerulersimapput.
Arnat
Sanilliullugit angutit (Kalaallit Nunaata avataani inunngorsimasut) akissarsiaat 2013-miit 2015-ip tungaanut agguaqatigiissillugit 205.000 koruuniniit 221.000 koruuninut amerleriarsimapput. 16.000 koruuninik amerlillutik.
Arnat isertitaat taamatut aamma amerlisimapput. Uffa arnat nunani allani inunngorsimasut 2015-imi ukiumut 360.000 koruuninik akissarsimasut kalaallit arnartaat agguaqatigiissillugit 180.000 koruunniinarnik akissarsisimapput; tassa affaannaannik.
Taamaattumik assigiinngissut ilinniartitaanermi nassaarineqarsinnaaneruvoq. Kisiannili aamma eqqortoq alla tassaavoq isertitaqartartuni taakkunani kalaallit utoqqaat amerlanerunerat, tamanna piartuaartumut sakkortusaataavoq.
Atuaruk: Naalakkersuisunut ilaasortat nutaat aajuku
Allaaserisaq tamaat AG-mi uani sapaatip-akunnerani saqqummertumi atuaruk, ugguuna taanna pisiarisinnaavat: