nuna ikuallattoq

Nunami ikuallattuuleraluarneq iliuuseqapallannikkut qaminneqarpoq

Marlunngornermi ualisoq Qaasuitsup Kommuniani Upalungaarsimasuutitat Aasiaat kujataani ikuallattumik nalunaarfigineqarput. Ikuallattorli unnuup ingerlanerani qaminneqarpoq.

Der opstod en ny brand syd for Aasiaat i går eftermiddag. Hurtig udrykning sikrede, at branden ikke bredte sig.

Aasianni indsatslederi erngertumik sumiiffimmut alapernaarsuiartortinneqarpoq, sulisulli Aasiaat qatseriarfianut qamisaanissamut piareersartinneqarlutik, kommuni tusagassiuutinut nalunaarummi paasissutissiivoq.

Illuaraq navianartorsiortoq

Ikuallattoq imaanit 75 meterinit qutsitigisumiissimavoq 2,5 kvadratkilometerillu missaani annertussuseqarluni. Sivingasumi ikuallanneq pivoq, anoraalu allanngussappat ikuallanneq illuaqqap tugaanut siammarsinnaalluni.

Angallatit Targat marluk atortunik qatserisartullu arfinillit ilaasoralugit Aasianniit qamisaajartortinneqarput. Ikuallanneq qaminneqareerpoq, sulisulli ullaaq Aasiannut utersimallutik.

Ikumatitaq iluamik qaminneqarsimanngitsoq

Ikumatitap iluamik qaminneqarsimannginneranit ikuallanneq pilersimagunarpoq, tassanngaanniik inneq siammarsimalluni.

Upalungaarsimasuutitat Nukissiorfiit aamma KJ ikiuunneranut qutsavigerusuppai.

Apeqqutit

Pisumut innuttaasut apeqqutissaqarunik, Kalaallit Nunaani Politiit oqarsuaat 70 14 48 sianerfigalugu attavigineqarsinnaapput.

Innuttaasut qinnuigerusuppagut annaassiniartartunut apeqqutilleeqqunagit, taamaaliornikkut kalerrisaarinermut oqarasuaatit matuneqassammata.

Powered by Labrador CMS