nuna ikuallattoq

Nunami ikuallannerit naliginnaanngitsumik amerlapput

Ukioq manna nunami ikuallannerit naliginnaasumiit amerlanerujussuupput. Tamanna ilisimatuup hollandiminngaanneersuup misissuinerani erserpoq.

Kalaallit Nunaani ukioq manna naliginnaanngitsumik nunami ikuallannernik eqqugaasaqattaarpoq. Ukiup siulianut sanilliullugu maannamut sisamariaataat nalunaarsorneqareersimallutik.

Shef Lermittep, Delft University of Technologymi Hollandimi professorip misissuinerani erserpoq.

Ilisimatooq hollandimiu 2000-mi aallartittumi satellitsikkut assiliissutit atorlugit nakkutiginnittalersimavoq. Misissuingallarnermilu taassuma Twitterimini saqqummiussimasamini erseqqissarpaa 2000-miilli taama amerlatigisunik ikuallannernik toraarsisoqarsimanngitsoq.

- Eqikkassagaanni: Kalaallit Nunaani nunami ikuallattoqartarsimavoq, 2017-lu naliginnaasuunngitsumik ikuallannerit amerlassusaat MODIS-imit (satellitsikkut nakkutilliineq aaqq.) nalunaarsorneqarsimapput, Shef Lermitte Twitterimi allappoq.

Augustip arfineq aappaat tikillugu ukioq manna nunami ikuallannerit 40-t missaanniittut mississuisimanerata takutippaa. Ukioq kinguleq qulit missaaniissimapput ukiulli marluk matuma siorna 20-t ataassimallugit. Ukiulli siuliini ikinnerujussuusimallutik.

Shef Lermittep erseqqissaatigaa nalunaarsorneqarsimasut qularnaarilluinnartuunngimmata, nunamilu ikuallattoqarsimasinnaasoq takuneqarsimanngitsunik.

Aasaanerani panernarnera ikuallattut amerlanerujussuannut nassuiaataalluarsinnaavoq.

- Piffissami matumani nuna panertorujussuuvoq, taamaa

- Piffissami matumani nuna panertorujussuuvoq, taamaammat inuit nunamiittartut kaammattorusuppakka innermik atuitillutik pujortarlutilluunniit mianersorluinnartarnissaannik, Bjarne Gregersen Qaasuitsup Kommuniani Upalungaarsimanermut pisortaq oqarpoq.

AAMMA ATUAKKIT:
Avannaani allami ikuallattoqalerpoq

- Eqqaamasinnaasanni ikuallanneq annertunerpaaq

Assit takukkit: Piniartarfimmi nuna ikuallattoq

Powered by Labrador CMS