nunalerineq

Nunalerinermut aqutsisoqarfik Kujataanut Nuunneqarli

Kommune Kujalliup aamma Qaqortumi Nunalerineq Pillugu Siunnersorteqarfiup Namminersorlutik Oqartussani nunalerinermut immikkoortortaqarfiup Kujataanut nuunneqarnissaa kissaatigaat

Assi toqqorsivimmit

Namminersorlutik Oqartussani Aalisarnermut Piniarnermut aamma Nunalerinermut Naalakkersuisoqaarfimmi nunalerinermut immikkoortortaqarfiup suliassarai nunalerinermi ineriartortitsinissamut periarfissat aamma piujuaannartitsinissamik tunngaveqarluni aqutsinissamut tunngavissiinissap qulakkeerneqarnissaa.

Tassungalu atatillugu allaffissornikkut ilaatigut suliassarai nunaateqarnermi inuussutissarsiutit naleqquttumik ineriartortinneqarnissaat aammalu nunap naggorissarneqarsinnaasup paarilluarneqarnissaa, kiisalu nunaateqarnermi inuussutissarsiutip aningaasaqarnikkut soqutigisai illersussallugit ineriartortissallugillu.

Allaffissornikkut taamatut aaqqissuussaanerata kingunerisaanik Kujataani nunalerinermut aamma savaateqarnermut suliassat attuumassuteqartut amerlasuut Nuummiit ingerlanneqarlutillu aqunneqarput.

Taamaattumik pissusissamisoorpoq nunalerinermut suliassat attuumassuteqartut tamaasa Kujataanut nunneqarnissaa pissusissamisoorpoq.

Taama isumaqarpoq Ole Mølgaard-Motzfeldt, Siumut, Kommune Kujallermi kommunalbestyrelsimi Inuussutissarsiornermut Suliffissaqartitsinermullu Ataatsimiititaliamut ilaasortaasoq.

Allaaserineqartoq Tamanut Kujataanimi tamaat atuarneqarsinnaavoq. Kommuni Kujallermi pisartut assigiinngitsut aviisimi aamma atuarneqarsinnaapput. Aviisi akeqanngitsumik aajuk:

Powered by Labrador CMS