Nuuk

Nunakkut arpanneq aqagu ingerlanneqassaaq

Nunakkut arpanneq soqutigneqarluartoq KangNu sapaatit akunnerisa siuliani silarlunnera pissutaalluni taamaatinneqarpoq. Arpannerlu arfininngornermi ingerlanneqassasoq, aaqqissuisut nalunaarutigaat

142 løb er tilmeldt til årets KangNu Race i Nuuk

Ukioq manna KangNu Race Nuummi ingerlanneqartussami peqataaniarlutik nalunaarsimasut 142-pput

Nunakkut arpanneq sapaatip akunnerata siulianilu ingerlanneqartussaasimangaluarpoq, silallu ajornera pissutaalluni aaqqissuussineq arfininngornermut kinguartinneqarpoq.

- Peqataarusuttut arlallit saaffiginnissimangaluarput, sillimaniarnerlu eqqarsaatigalugu nunakkut arpannissamut nalunaartoqarsinnaajunnaarpoq, aaqqissuisoq Jens-Kristian Berthelsen Sermitsiaq.AG-mut oqarpoq.

Arpanneq marlunnik isorartussuseqarpoq. Isortartuneq 35 kilometeriuvoq naannerlu 20 kilometeriulluni. Taakku saniatigut 20 kilometerinut pisuttuartoqarsinnaavoq.

- Arpanneq nalunaaqutaq 08.00 aallartissaaq, arpattulli apuuffissaanni safteqarlunilu, naatitaqarlunilu sukkulaaqassaaq, Jens-Kristian Berthelsen oqarpoq.

Powered by Labrador CMS