paarlaateqatigiinneq
NunaFonden inuusuttunik nunanut allanut atuariartortitsinialerpoq
Inuusuit tallimat pikkorissut 18-init inorlugit ukiullit paarlaaqatigiinnikkut nunani allani atuarnissaat inissanik tallimanik akileriikkanik pilersitsinikkut periarfissaalerpoq.
NunaFonden-ip paarlaaqatigiinnikkut nunani allani atuarsinnaanermut inissat akileriikkat periarfissanngortippai.
For unge studerende på under 18 år kan nu ansøge om udvekslingsophold i udlandet, hvor NunaFonden betaler for hele opholdet.
Aningaasaateqarfik tusagassiuutinut nalunaarummi allappoq.
NunaFonden-ip siulersuisuini siulittaasup Vivian Motzfeldtip oqaatigaa, kikkut tamat akuleriikkaluttuinnarfianni pingaaruteqartoq
nammineq oqaaserisat saniatigut oqaatsit arlariit atorsinnaanissaat.
- Tamanna NunaFonden-ip ullumi pissutsinut naleqqiullugu annertunerusumik malunnaateqarfiginiarpaa, neriuppugullu paarlaaqatigiilluni atuarnermi inissanut akileriikkanut qinnuteqaatit pitsaasut amerlasuut tigussallutigit, taanna tusagassiuutinut nalunaarummi oqarpoq.
Taarusupparpullu paarlaaqatigiilluni nunani allani atuarnermi nammineerluni akiligassap annertunera.
- Pissutsit taamaattut inuusuttut paarlaaqatigiillutik atuariariarusunnerat annikillisarsinnaavaa. Taamaammat NunaFonden-ip
pilersippai ukiumut paarlaaqatigiilluni inissat akileriikkat tallimat, inuusuttut illoqatigiinni annertunngitsumik isertitalinnut tunniunneqarnissaannut naatsorsuussaasut. Inissat tallimaasut akileriikkat paarlaaqatigiilluni aningaasartuutinut matusipput, paarlaaqatigiinnermi inissani akileriikkaniippoq paarlaaqatigiinnermut aningaasartuutit, uani pineqaratik aningaasat
kaasarfimmiussat tassungalu assigusut, oqaatigineqarpoq.
Paarlaaqatigiilluni inissanut akileriikkanut qinnuteqarnissamut ulloq killiliussaq tassaavoq 31. december