Siumup ataatsimeersuarnera
Nuna tamakkerlugu ataatsimeersuarnermi Siumukkormiut aatsaat taama amerlatigisut
Siumumi ilaasortat aatsaat taama amerlatigisut partiip Sisimiuni nuna tamakkerlugu ataatsimiinnerani peqataapput
Partii naalakkersuisoqataasut Siumup nuna tamakkerlugu ataatsimeersuarnera aallartippoq. Partii ukiuni 40-nngortorsiorpoq.
Ataatsimeersuarnermut peqataasut 150-t sinneqarput, pingasunngornermi, sisamanngornermi aamma tallimanngornermi ataatsimiinneq ingerlanneqassalluni. Sisimiuni timersortarfik ataatsimeersuarfiuvoq.
Sisamanngornermi siulittaasumik qinersisoqalerpat pissanganartoqassaaq. Vittus Qujaukitsup Siumumi siulittaasoq Kim Kielsen tassani unammillerpaa.
Pingasunngornermi program ilaatigut ima imaqarpoq:
- Kim Kielsenip aamma Siumut Sisiminit oqalugiarneq
-
Socialdemokratietimit, Nusukamit, KNAPK-mit, SIK-mit aamma Sulisitsisunit oqalugiarnerit
-
Siulittaasut nalunaarutaa
-
Siumup Inuusuttunut Suliniaqatigiiffianit nalunaarut
-
Partiip anguniagaanik saqqummiussineq
-
Ullormi ataatsimiinneq nalunaaqutaq 19.00 naammassineqassaaq
Sermitsiaq.AG ataatsimeersuarnermit oqaatsitigut assitigullu ilanngutassioqattaassaaq.
Uani allaaserisap ataani assit takukkit