Qeqertarsuaq

Nuna tamakkerlugu arnanut meraannullu qimarnguik ammaanersiorneqarpoq

Meeqqanut arnanullu qimarnguik Qeqertarsuarmiittoq 'Illernit' ammarneqarpoq

Qeqertarsuarmi 'Illernit' ammarneqarmat Naalakkersuisoq Martha Lund Olsenip illu ammarpaa

Ilaqutariinnermut, Naligiissitaanermut Isumaginninnermullu Naalakkersuisoq Peqqissutsimut Naalakkersuisuugallartoq Martha Lund Olsen ullumi nuna tamakkerlugu arnanut meraannullu qimarnguik Illernit, Qeqertarsuarmiittoq pisortatigoortumik marlunngormat ammaanersiorneqarmat peqataavoq.

Ammaanersiornermi Martha Lund Olsen ilaatigut ima oqarpoq:

- Inuk annersarneqartoq inuttut pisinnaatitaaffimminik arsaarneqartarpoq, tamannalu inuup tutsuiginassusianik innarliineruvoq annertooq. Inuit annersarneqartartut annertuumik kingunerlutsitsisarput, tamatumani arnat kisimik pineqaratik aamma meerartaasut annersaanernik takusaqarnermikkut naalliutsinneqartarmata. Qimarnguik manna pikkorissunik sullissisoqarnissaminut aningaasaliiffigineqarsimavoq. Taakkuli aqqutissiuutissavaat arnat meeqqallu toqqissillutik inuunerminnik ingerlatitseqqissinnaanissaat.

Periarfissiissut killeqartoq
Qimarnguik matumani imatut nassuiarneqarsimavoq utaqqiisaagallartumik arnanut arlaatigut annersarneqarsimasunit, qunusaarneqarsimasunit imaluunniit ilungersunartumik angerlarsimaffinni atugaqartunit orninneqarsinnaagallartoq najugaqarfigineqarsinnaallunilu.

Naalakkersuisut ingerlatsinermut immikkut aningaasaliissuteqarsimapput, taamaasilluni ilaqutariinnut ulloq unnuarlu akiliut 850 kr.-neqarsinnaasunngortissimallugu.

Illernit uiuleriiaanik tallimanik illuuteqartoq KNR-imit nalunaarutigineqarpoq, taakkunanilu ilaqutariit sisamat inissaqarput, illulu ataaseq allaffiullunilu katsorsaaviuvoq.

Powered by Labrador CMS