toqqissisimanngin

Nukissiorfinni sullivimmi avatangiisini ajornartorsiutit

Djøf Danmarkip Namminersorlutik Oqartussani Aningaasaqarnermut Sulisoqarnermullu Immikkoortortaqarfik qinnuigisimavaa Nukissiorfinni sullivimmi avatangiisit iluarsiniarneqarneranni ikiuuteqqullugu

Djøf Danmarkip Namminersorlutik Oqartussani Aningaasaqarnermut Sulisoqarnermullu Immikkoortortaqarfik qinnuigisimavaa Nukissiorfinni sullivimmi avatangiisit

Taama pisoqarput Nukissiorfinni sulisut arlallit sullivimmi avatangiisit pissutigalugit soraarsimanerisa kiisalu sulisut sinniisaata Klaus B. Henriksenip pissutsinik aqutsisunut aamma Namminersorlutik Oqartussanut qimerluuisitsiniaraluarsimanerata kingorna.

Tamanna tunngavigalugu Djøfimi isumaqatigiinniartartut pisortaat Charlotte Thaning namminersorlutik oqartussani aningaasaqarnermut sulisoqarnermullu aqutsisoqarfiup pisortaanut Lars Denckerimut allagaqarsimavoq qinnuigalugulu Nukissiorfinni sullivimmi avatangiisinik pitsanngorsaanissaq ingerlaannaq aallarteqqullugu.

Atuaruk: Nukissiorfiit pisortat sipaarfigaat

Nakkarsaanerit
Allakkat 2016-imi sullivimmik nalilersuineq, Djøfimit paasinninneq naapertorlugu »piaartumik malittareqqiinissamik iliuuseqarnissamillu malitseqartitsissutaasariaqartoq, kisiannili paasissutissiissutigineqartut tunngavigalugit ASA-mut (Aningaasaqarnermut Sulisoqarnermullu Aqutsisoqarfimmut, aaqq.) suli ingerlateqqinneqarsimanngitsoq«, tunngavigalugu decembarimi 2016-imi nassiunneqarsimapput.

Tamatuma kingorna Nukissiorfiit pisortaa Djøfilu ataatsimeeqatigiissimapput, tassanilu sullivimmi avatangiisit pillugit suliniutit pilersinneqarsimasut ilisimatitsissutigineqarlutik. Tamatuma saniatigut Nukissiorfinnit Djøf suliniutit sullivimmi avatangiisit pitsanngorsarniarlugit pilersinneqarsimasut, taakkualu qanoq malittareqqinneqarnerat, pillugit ilisimatinneqartarniarpoq.

Klaus B. Henriksen, Nukissiorfinni ukiuni 15-ini atorfeqarsimasoq, Sermitsiamut paasissutissiilluni oqarpoq, qullersaqarfimmi sulisut 2016-ip ingerlanerani nakkarsaanernik, aqutseriaatsinik ataqqineqanngitsunik, sullivimmilu tarnikkut avatangiisinik nalinginnaasumik pitsaanngitsunik, sulisorpassuit soraarnerannik kinguneqarsimasunik, misigisaqartarsimasut.

Atuaruk: Suliassaqarfiup akisussaaffigilerneqarnera ukiuni qulini 83 millioneqartoq

Allaaserisaq tamaat Sermitsiami atuaruk, taanna ullumi pisiniarfinni pisiarisinnaalerpat. Aviisi uani aamma pisiarinissaanut periarfissaqarputit:

Powered by Labrador CMS