Nukissiorfinni sulisut: Akissarsiasat kukkuneqarnerisa kingorna immikkut millionininnattut

Nukissorfiit ukiuni arlalinni sulisunut aalajangersimasunut arlalinnut akissarsisitsinikippallaartarsimapput. Tamanna ingerlatseqatigiiffimmit ukiumoortumik nalunaarusiami allassimavoq.

- 2016-mi sulisunut immikkut ittumik isumaqatigiissuteqarfigineqarsimasut akissarsiaannik katillugit 10,0 millioner koruuninik nalimmassaasoqarsimavoq. Nalimmassaaneq ilaatigut 2008-imi apriilimi tapinik immikkut ittunik akiliinngitsoorsimanernik aamma akissarsiat pillugit isumaqatigiissutit nutaat atuuttut 2015-imeersut malillugit akissarsianik nalimmaasaanernik tunniussisoqarsimannginnernik pissuteqartut naatsorsuutini qanittukkut tamanut saqqummiunneqartuni takuneqarsinnaapput.

AG pingasunngornermi taama allappoq.

Isumaqatigiissummi nassuiaaneq kukkusoq
AG-mi paasissutissat naapertorlugit suliassaq maskinmesterit tigummiinnarnissaannut tapinik taaneqartartut pineqarput. 2008-miilli maskinmesterit tapiissutisisannginnissaat aallaavigineqalersimavoq. Kisianni isumaqatigiissummi oqaaseqatigiinnik nassuiaaneq kukkunerusimavoq.

Nukissiorfinni nukissiornermut pisortap, Michael Petersenip suliassaq mailikkut AG-mut imatut nassuiaatigaa:

- Siorna Naalakkersuisut aamma maskinmesterit peqatigiiffiata (Maskinmestrenes Forening) akornanni isumaqatiginninniarnerni isumaqatigiissutaasimasumi oqaaseqatigiit ilaat 2008-imi nassuiarneqarnerannit allaanerusumik nassuiarneqarsinnaasut paasineqarpoq. 2016-imi decembarimi maskinmesterit akissarsinerminni 2008-imi apriilimit atuutilersumik tapit akissarsissutigissavaat. Maskinmesteriinnarnut tunngatillugut tamakku 2016-imi 5 millioner koruunit sinnerlugit nalimmassaaffigineqarput aamma taakkununnga 1 million koruuningajaat immikkoortinneqartut Michael Pedersen paasissutissiivoq.

Allaaserisaq tamaat AG-mi atuaruk, taanna pingasunngornermi saqqummerpoq. Aviisi uani pisiarisinnaavat:

AG Uge 24 2017

Klik her for at læse