Skip to main content

Nukissiorfiit kiassarnermut aki appartippaat

Kiassaanermut akigitinneqartut appasinnerit kingunerissavaat ilaqutariinnut ukiumut 600 koruunit missaani sipaaruteqarnissaq

- Kiassaatit sakkortusinissaat maannakkumiit akikinnerulerpoq. Akigitinneqartut kingumoortumik septembarip ulluisa aallaqqaataanniit 2018 appartinneqarput.

Nukissiorfiit nittartakkaminni taama allapput.

Inuussutissarsiornermut Nukissiuuteqarnermullu Naalakkersuisup Aqqalu Jerimiassenip, Nukissiorfiit kiassaanermut akigitinneqartunit MWh-mut 30 koruuninik appaaniarnera, akuersissutigaa.

- Tamanna ukioq manna siusinnerusukkut uuliap akiata appariarneranit patsiseqarpoq, nukissiornermut ingerlatseqatigiiffik Namminersorlutik Oqartussanit pigineqartoq ilisimatitsivoq.

Kiassaanermut akigitinneqartut appasinnerit kingunerissavaat ilaqutariinnut inersimasunut marlunnut marlunnik qitornalinnut ukiumut 600 koruunit missaani sipaaruteqarnissaq.

Ungasianit kiassarnermut nalinginnaasumut kiisalu innaallagissamik kiassaanermut aalajangersimasumut akigitinneqartut 770 kr.-init 740 kr.-inut/MWh-mut appassapput, taamatullu kiassaanermut qaminneqarsinnaasumut akigitinneqartoq 710 kr.-init 680 kr.-inut/MWh-mut appariassalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER