Kangaatsiaq
Nukissiorfiit: Imermik ajornartorsiuteqarneq iluarsingajalerparput
Nukissiorfiit sapaatip-akunneri sisamat tallimalluunniit qaangiutsinnagit Kangaatsiami imermut slangemik takinerusumik ikkussiniarput, illoqarfiup imeqarniarneranik ajornartorsiut iluarsiniarlugu
Kangaatsiami imeqarniarnermut ajornartortsiut annertuumik ernummatigineqarpoq, Royal Greenlnandimi sulisunik 20-inik angerlartitsigallarnermik ilaatigu kinguneqarmat.
Kisianni ajornartorsiut iluarsiivifgineqarnissaa Nukissiorfimmit sulissutigineqartoq Sermitsiaq.AG-mut neriorsuutigineqarpoq.
Nukissiorfiit slangenik katiteriniarput illoqarfimmut imermik pilersuisussamik.
Atuaruk: Peqatigiiffik imermik amigaateqarnermik ernumassuteqartoq
Slangeq kilometerinik sisamanik takissusilik
- Imermut slangi kilometerit sisamat missaanik takissuseqassaaq, sulinerlu novemberip aallartinnerani aallartsissaaq, Nukissiorfinni attaveqatigiinnermut pisortaq oqarpoq.
Imermut slangip katiterneqarnera sapaatip-akunnerini sisamanik tallimanilluunniit sivisussuseqarsinnaavoq, aatsaallu tassani Kangaatsiaq imermik pilersulersinnaavaa.
- Imermik pilersuissutip siunissami atuinnarneqarnissaa pilersaarutaavoq, Nukissiorfiit ilisimatitsipput.
Aamma atuaruk: Imermik amigaateqarneq peqqutigalugu sulisut angerlartinneqartartut