ukiumut naatsorsuutit
Nukissiorfiit amigartoorutertik annikillivaat
Nukissiornermik ingerlatsivik 2015-imi amigartooruteqarpoq. Naak amigartoortoqaraluartoq pisortaq Michael Pedersen, ukiumut angusat naammagisimaarpai
27 millionit koruuninik amigartoorneq.
Nukissiorfiit ukiumi naatsorsuiffiusumi 2015-imi angusaat taamaapput.
Naak amigartooruteqartoqaraluartoq, pisortaq Michael Pedersen angusat naammagisimaarpair. Tassami nukissiornermik ingerlatsiviup amigartoorneq, ukiup siulianut sanilliullugu 6 millionit koruuninik annikillisippaa, tassa 33 millionit koruuninit 27 millionit koruuninut.
Ingerlatsiviullu kaaviiaartitsinera 852 millionit koruuninut annertusivoq, ukiup siuliani 826 millionit koruuniummata.
Atuaruk: Nukissiorfiit pisortat sipaarfigaat
Mingutsitsinnerunissaq anguniagaavoq
Nukissiorfiit ilisimatitsissutigaat, mingutsitsinngitsumik erngup nukinganik nukissiorfinnit nukissiorneq 62 procentimut annertusineqartpq, tassa innaallagissamik aamma kiassaanermik nioqquteqarnermini, taakku 2014-imi 59 procentimik annertussuseqarlutik.
- Ukiumut 2016-imut anguniarneqarpoq mingutsitsinngitsumik nioqqutissiornerup suli annertusineqarnissaa taamatuttaaq pilersaarutigaarput qamutitta motoorillit atorunnaartut biilinik innaallagissamik ingerlasunik taarserneqartarnissaat, Michael Pedersen oqarpoq.
Atuaruk: Upernavimmi kallerup innerata akia marloriaatinngorpoq
Taassuma erseqqissarpaa, Nukissiorfiit niuernermini ineriartortitsinini ingerlateqqikkaat, ingerlaavartumik aningaasartuutinik nakkutiginninnermigut, tamatumuuna sullittakkat iluaqutissaat pilersuinermi qulakkeerinninneq mianeralugu.
Atuaruk: Nukissiorfinni pisortanngortoq