Nuuk
Nukappiaqqat inuusuttut biilinik tillinniartut tigusarineqartut
Sapaatip-akunnerani kingullermi biilinut tillinniarnernut marlunnut atatillugu, politiit 16-inik ukiullit pingasut tigusaraat
Nukappiaqqat 16-inik ukiullit pingasut, biilinik tillinniarnernut marlunnut atatillugu, tallimanngornerup unnuaani sapaatip-akunnerani kingullermi Nuummi politiinit tigusarineqarput.
Politiit Facebookimi quppernerminnut allapput, nukappiaraq ataaseq biilinut matuersaatinik tillinnermi kingorna, biileqattaareersoq tigusarineqartoq - politiit nalunaarfigineqarnerisa kingorna - biili unnuaannakkut unitsinneqarsimavoq.
Landcruisereq tillinneqartoq
Nukappiaqqat allat marluk politiit nalunaaqutaq 2.30-p missaanik nalinginnaasumik tallimanngornerup unnuaani unitsitsinerminni naammattoorpaat. Taakku 16-inik ukiullit biiliniipput, tassanilu Landcruiseri tillitaasoq paasinarsivoq.
- Taakku 16-inik ukiullit biilinik tillittutut aamma ingerlatsisinnaanermut allagartaqaratik ingerlatsisimasutut unnerluunneqarput, kingornalu taakku iperagaapput, politiit ilisimatitsipput.