Nuka Danmarkimi soqutigineqarluarpoq

Piviusulersaarusiami 'Eskimo Diva'-mi pissanganartunik susoqaannavippoq, DR-ip piviusulersaarusiaq ilaatigut taama nalilerpaa.

'Piviusulersaarusiami Kalaallit Nunaat allatut takutinneqarpoq. Nunamimi kisimi puisinniartoqarneq ajorpoq imigassartutortoqarnerlu ajorluni.'

Nuka Eskimi Diva Københavnimi Aarhusimilu siullermeerluni takutinneqaqqammerpoq, tassanilu Nuka Bisgaard malinnaaffigineqarpoq.

Naliliisoqarnera pillugu Nuka Bisgaardip Go' Morgen Danmarkimi saqqummiutsinneqarpoq.

Unammerusussusilik
DR-ip Politikenillu piviusulersaarusiaq sisamanik ullorialerpaat.

'Nuka piumassuseqartuuvoq uteriittuullunilu. Naak nakkarsarneqartaraluarluni inunngorfimmini inuuginnarusuppoq ilaquttani ilagerusullugit. Unammerusussuseqartuuvoq piviusulersaarusiarlu isiginnaarneqartariaqarluni', JyllandsPosten allappoq.

Killornera pitsaanerusinnaavoq
Filmili torrallatarujussuunngitsoq Politiken allappoq.

'Piviusulersaarusiap killorneqarnera pitsaanerusinnaavoq. Immiussisarfimmiinnerat iggavimmiinnerallu killornerat pitsaanerusinnaapput ilaat pitsaanerusinnaapput, kisianni nakkarsarneqarnerani, napparsimanerani nipilersuutillu torrallataasorujussuupput, tusagassiortoq allappoq.