Skip to main content

Nuanninngitsumik aappariinnermik taamaatitsineq

Psykoterapeutit marluk aappariinneq pillugu pikkorissartitsiniarput, nuanninngitsumillu aappariinnerup ingerlasarneri ukkataritinniarlugit.

Qallunaaq psykoterapeut Kirsten Sylvest Kleinert suleqatini Annie Busk Lennert, Nuummi najugaqartoq peqatigalugu nuanninngitsumik aappariinnerit pillugit pikkorissaanissanik nittarsaasseqqammerput.

Aappariinnerit peqqinnanngitsut
Pikkorissarneq nuanninngitsumik aappariittunut tamanut ammavoq; angujuminaatsumik asannileqqasoq, imaluunniit atornerluisumik aappaqalersimasut, peqqissaasut marluk tusagassiuutinut nalunaarummi ilisimatitsipput.

Danskit tallimararterutaat peqqinnanngitsumik aappariillutik inuuneqarput, kisitsisillu aamma Kalaallit Nunaanni taamaapput.

- Arnarpassuit taakkununnga pitsaanngitsumik aappariinnermi inuuneqartut ajoraluartumik takunikuugatsigit Kalaallit Nunaanni pikkorissartitsilerpugut. Amerlasuut isumartik oqaatiginissaa qunugisarpaat, aapparisap qanoq qisuariarnissaa ersigisaramikku. Akerleriissuteqarnaveersaartarput, kisimiittutullu misigikkajuttarput. Avinngarusimasarput asanninnerullu aqqani iluaqutaanngitsumik nungullariartortarlutik, Kirsten Sylvest Kleinert oqarpoq, taanna Københavnimi ukiuni 17-ini sulisimavoq. Annie Busk Lennert Psykoterapi og Personlig Udviklingimik piginnittuuvoq.

Saveqqutit ataatsimut aaqqissuunnerat
Pikkorissarnerup ingerlanerani psykoterapeutit marluk nuanninngitsumik aappariikkaanni saveqqutit ataatsimut aaqqissuussaaneranni suut atorneqartarnersut nassuiarniarpaat, misigissutsillu kanngusunneq, pisuusutut misigisimaneq, aliasunneq, annilaanganeq, ersineq, kiserliorneq aamma imminut naleqartinnginneq eqqartorniarpaat, taamaalilluni aappariinnermi nuannaarnerulersinnaasoqassammat, peqqinnartumillu asanninneq ornillugu.

Pikkorissarneq 'Når kærligheden kammer over’ Nuummi februaarip 10-annit 12-annut ingerlanneqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER