Norgemi sukkaniuunneq: Kalaallit qimmii kingullersaasut

Norgemiu kalaallit qimmiinik qimuttulerluni Finnmarkimi sukkaniuuffik 550 kilometerisut isorartutigisoq ulluni tallimani ingerlaarfigereerlugu kingullersaalluni sisamanngormat apuuppoq

Assimi takuneqarsinnaavoq norgemiu Geir-Ivar Vikholt kalaallit qimmiinik qimuttulerluni FL-500-imi kingullersaalluni Altamut apuuttoq.

Finnmarkimi sukkaniuunneq, Europami avannarpasinnerpaallunilu sakkortunerpaamik qimussimik sukkaniussutaasartoq, sapaatip akunnerata siuliani aallartippoq.

Qimussimik sukkaniuunneq Norgep avannarpasinnersaani Finnmarkimi timersornikkut piorsarsimasutsikkullu aaqqissuussani annertunerpaalluni pingasunik immikkoortulik, nunat tamalaat akornannit soqutigineqarluartarpoq.

Finnmarkimi qimussimik sukkaniuuttarnerup 1200 kilometerimut isorartutigisumut (FL-1200) qimussimik sukkaniuunneq immikkoortuni sakkortunersaraa, immikkoortoq alla 550 kilometerinut isorartussuseqartoq (FL-500) alla inuusunnerusunut 200 kilometerinik isorartussuseqarpoq (FL-inuusuttut) .

Immikkoortoq FL-500 550 kilometerimut isorartutigisumut qimussimik sukkaniuunneq arfininngormat aallartippoq, kingullersaallu ulluni tallimani qimussereerluni sisamanngormat apuuppoq. Kingullersaalluni apuuttoq tassaavoq norgemiu Geir-Ivar Vikholt, kalaallit qimmiinik qimuttulerluni sukkaniuunnermut peqataasoq.

Taassuma apuuteqqammerluni apersorneqarnera ugguuna takuuk:

Finnmarkimi sukkaniuunneq siulleq, 1981-imi qimussinit pingasunit unammissutissutigineqaqqaartoq, ullumikkut qimussimik sukkanniuutsitsisarneq annertoorujussuanngorsimavoq, qimussertartummi nunanit tamalaaneersut Finnmarkimut sukkanniuukkiartoqataasarmata.

Powered by Labrador CMS