Sangusaarluni DM
Norgemi sangusaarluni DM-imut NS-84 peqataasoq
NS-84 ulluni makkunani Lillehammerip avannaani Hafjeldimi 1994-imi OL-erfiusumi sangusaarluni DM-ertoqarneranut peqataavoq
Ullumi tallimanngornermi sangusaapiloornermi peqataapput, aqagu tallimanngornermi sangusaassapput.
NS-84-imit peqataasut tassaapput Danny Mølgaard, Qooqu Chemnitz Berthelsen, Naasu Lund Egede, Ivaana Laursen, Inuuna Chemnitz Berthelsen, Angutivik Fleicher, Nukakluluk Hagæussen, Kelvin Nielsen, Malik Pedersen, Nicolas Gudmandsen, Maalia Skifte aamma Rita skifte.
Angalanermi Kisser Chemnitz Berthelsen aqutsisuuvoq.
Ullumi U12-ini sangusaapiloortoqarnerani Malik Petersen kuultinnappoq, Kelvin Nielsenilu ajugaasut sisamaattut inissippoq, Nicolas Gudmandsenilu 11-inngorluni.
Inuuna Chemnitz Bertehelsen U14-ini sangusaapiloornermi ajugaasut sisamaattut inissippoq. Naasu Egede arfernattut, Laan Laursenilu arfineq-aappaattut.
Nukakkuluk Haggæussen U14-it sangusaapiloorneranni ajugaasut sisamaattut inissippoq.
Qooqqu Chemnitz Berthelsen gruppimi ajornarnerpaami angutit U16-it angajulliunerusullu unammineranni angusarissaarluni ajugaasut arfineq-aappaattut inissippoq, naatsorsuutigineqareersutut Christoffer Faarup tassani ajugaavoq.
N-84-imi sangusaartartut pissartanngorniunnissap aallartinnginnerani Hafjeldimi sungiusarput.
DM-imi angusat uani takuneqarsinnaapput