Norge
Norgemi qaqqaq sisusinnaasoq
Norgep avannaata kitaani Mannenimi qaqqap eqqaaniittoqassanngitsoq politiinit inassutigineqarpoq. Qaqaguluunniit sisoorsinnaanera aarlerineqarpoq
Norgemi innuttaasorpassuit maannakkut pissangarrapput.
Norgep avannaata kitaani ulluni amerlasuuni siallersimanera pissutaalluni qaqqap sisoorsinnaanera aarlerineqarpoq illoqarfimmi Mannenimi.
Ujarak 120.000 kubikmeterisut annertutigisoq sisorataannaavoq.
Qaqqami qanngorpallassuarmik tusaasoqartoqarpoq marlunngormat, qaqqap sisoornissaalu naatsorsuutigineqalerpoq.
Qaqqap ataaniittoqannginnissaa politiinit inassutigineqarpoq, eqqaanilu najugaqartut qimagussortinneqarput.
Annertuumik qaqqap sisoornissaa aarlerineqarpoq. Naatsortuutigineqarpoq ulluni qaninnerni sisuussasoq, apeqqutaaginnalerporlu qaqagu sisuussanersoq.
- Qaqagorpiaq sisuussanersoq oqaatigiuminaappoq, qanittumili pisoqassaaq. Imaassinnaasoq akunnerit 24-t akornanni sisoortoq imaluunniit ullut tulliuttuni sisuussaaq, Jarle Hole oqarpoq.
Norgemi sapaatiummat siallerujussuarnerata pissutigisaanik qaqqaq aalassappoq.