kultur
Nordisk Kulturfestival ullumi Nuummi aallartinneqassaaq
Nuuk sapaatip-akunnerani nipilersornernik, isiginnaartitsinernik, filminik, atuagassianik, qitinnermik eqqumiitsuliornermillu takusassarpassuaqassaaq
Annonse
Ullumi Nuuk Nordisk Kulturfestival ingerlaaqatigiinnertalimmik ammaanersiornermillu imaqartoq aallartinneqassaaq.
Nalunaaqutaq tallimaniit erfalasulerluni, ballonilerluni Nuup Katersortarfianiit Inussiviup tugaanut ingerlaaqatigiittoqassaaq. Tassani ammaanersiorneq nalunaaqutaq 17.40 pissaaq nalunaaqutallu akunnera ataatsimik sivisussuseqassalluni.
Aammattaaq Nuuk Nordisk Kulturfestivalimi siullermeerluni Nuuk International Film Festival ilanngullugu ingerlanneqassaaq. Grønlandsbankenimi nalunaaqutaq 18.30 ammaanersiortoqassalluni. Filmi ‘Maliglutit’ ilitsersuisartup Nunavummiup Zacharias Kunuk'mit filimiarineqartoq Kalaallit Nunaanni siullerpaamik takutinneqassaaq.
Festivalerneq oktoberip 21-ata tugaannut ingerlanneqassaaq.