SSP-meersut sangusaarnermi sukkanerpaapput

Tupaarnaq Kreutzmann aamma Aqqaluunguaq Lyberth SSP-meersut sangusaarfimmi piumaffiginaqisumi sukkanersaapput

Tupaarnaq Kreutzmann, SSP, aamma Aqqalunnguaq Lyberth, SSP, Nuummi sangusaarnermi Nunatsinni pissartanngorniunnermi sukkanersaaput. Ass.: leiff Josefsen
Tupaarnaq Kreutzmann, SSP, aamma Aqqalunnguaq Lyberth, SSP, Nuummi sangusaarnermi Nunatsinni pissartanngorniunnermi sukkanersaaput. Ass.: leiff Josefsen Tupaarnaq Kreutzmann, SSP, aamma Aqqalunnguaq Lyberth, SSP, Nuummi sangusaarnermi Nunatsinni pissartanngorniunnermi sukkanersaaput. Ass.: leiff Josefsen Tupaarnaq Kreutzmann, SSP, aamma Aqqalunnguaq Lyberth, SSP, Nuummi sangusaarnermi Nunatsinni pissartanngorniunnermi sukkanersaaput. Ass.: leiff Josefsen

Ukioq manna Nuummi sangusaarnermik pissartanngorniffiusut NS-84-mit SSP-millu sananeqarsimapput.

NS-84-ip sangusaarfiliaa 37-nik isaariaqarpoq, SSP-llu sangusaarfiliaa 49-nik imminnut qaninnerusunik isaariaqarpoq.

Sangusaarfigineqartut piumaffiginaqimmata unammeqataasut arlallit ajornartorsiortarput.

Inuusuttut akornanni unammeqataasoq Aqqalunnguaq Kreutzmann, SSP (16-17-nik ukiullit) marloriarluni sisoreerluni katillugit atorlugit 1.26.81. sukkanersaavoq.

Angutini inersimasuni Henrik Lykke Jensen, NS-84 (26-30-nik ukiullit) marloriarluni sisugami katillugit atorpai 1.32.16.

Sukkanerit pingajoraat nukappissat akornanni unammeqartaasoq Nuka S. Egede fra MS-89 (12-13-nik ukilullit), marloriarluni sisunermini 1.36.30 atorsimallugit.

N-84-ip sangusaarfiliaani siullermik sisunermi sukkanerpaartaavoq inuusuttut akornanni unameqataasoq Ole Minik Henson, NS-84 (16-17-nik ukiullit), taassuma atorlugit 0,38.20.

SSP-p sangusaarfiliaani siullermik sisunermi Aqqalunnguaq Lyberth, SSP, angutini sukkanerapaartaavoq atorlugit 0,47.72.

Arnani inersimasuni Tupaarnaq Krutzmann, SSP (21-25-nik ukiulinni), maluginiarneqarnerpaavoq.

Taanna marloriarluni sisunermini sukkanerpaavoq, atorlugit 1.26,94.

Arnani inersimasuni tullersortaavoq Uiloq Heilmann, MS-89 (21-25-nik ukiulinni), marloriarluni sisunermini atorlugit 1.32,33

Sukkanerit pingasjuattut inissippoq inuusuttuni unammeqataasoq Nuunu Ch. Berthelsen, NS-84 (14-15-nik ukiulinni), taanna marloriarluni sisunermini atorpai 1.36,63

Tupaarnaq Kreutzmann SSP-meersoq, sisunerni marlunni tamani sukanerpaavoq. Taassuma NS-84-ip sanaava sisuffigaa atorlugit 0.39,40 SSP-llu sangusaarfiliaa sisufigalugu atorlugit 0.47,54. Taannalu SSP-p sangusaarfiliaatigut sukkangaarami angutini arnanilu sukkanersaalluni apuuppoq.

Tupaarnaq Kreutzmann-ip eqqumiigikujuppaa Nunatsinni pissartanngorniunnermi taama angusarissaartigigami, ukiumi kingulliit arfinillit Københavnimi ilinniakkaminik ingerlatsitilluni sisoraatinik sungiusarnissani piffissaqarfigisimannginnamiu.

Tupaallatsitsisutut aamma taasariaqarpoq Nuunu Berthelsen, ilutimi akornanni sangusaarnermi kuultinnattoq. Nunatsinni sisorarnermik pissartanngorniunnerit sioqqullugit taanna Ilulissani ujakkaarnermik Nunatsinni pissartanngorniuteqataagami aamma kuultinnakkami.

Powered by Labrador CMS