Augo-mik ateqarpunga

Politikenimik atuartartut Aalborgimi uumasuusivik suleqatigalugu nannup piaraata atissaanik nassaarput

Aqqit 15-it toqqarneqarsinnaasimapput. Amerlanerillu Augo toqqarsimavaat. Ass.: Aalborg Zoo

Aalborgimi uumasuusivimmi nannup piaraata qanoq atserneqarnissaa ataasinngormat 5.536-nit taasissutigineqarmat, qanoq ateqarnissaa qularineqanngitsoq, Politikenimi allaaserineqarpoq.

Aalborgimi asanartuaraataata Augo-mik ateqarnissaa taasisut 21 procentiisa aalajangerpaat.

Kalaallit nukappiaqqanut aterititaat latiinerisut "illernartumik" isumaqarmat, Aalborgmi uumasuusivimmi nannup taama takusarneqalereertigisup tusagassiuutitigullu taama malinnaaffigineqartigisup - minerunngitsumik politiken.dk-mi - taamatut atsernissaa tulluarsorineqarpoq.

- Aap, tamanna iluarusuutigeqaarput. Augo taajuminartuuvoq oqaatigiuminarluni, taamaammat tulluaqaaq, paasissutissiinermut pisortaq Søren Sørensen oqarpoq.

Augo isumaqarpoq illernartoq.

Powered by Labrador CMS