ACR 2011 ullumi aallartippoq

Ujakkaartartut 119-it nunanit assigiinngitsunit 14-ineersut ukioq manna Arctic Circle Racemi unammissapput

Ullumi tallimanngornermi Arctic Circle Racep aallarnerneqarfiani silasiortut silap pitsaalluinnarnissaanik neriorsuipput, assi siorna aallartinneraneersuuvoq. Assiliisoq: Lars Weiss

Sivisuumik piareersartoqareerluni borgmester Hermann Berthelsen tallimanngornermi nal. 10.00 Arctic Circle Racet 15-issaat aallartippaa.

Ukioq manna peqataaniarlutik nalunaarsimapput ujakkaartartut 119-it nunanit assigiinngitsunit 14-ineersut. Tassannga 40-t nunanit allaninngaanneersuupput. Ilaatigut aggersarneqarsimavoq ujakkaartartoq russeq Ilya Chernousov, aaqqissuussisunit angutini ajugaasussatut ilimagineqartoq.

Tammaarfik ukiut kingullertut inissinneqarpoq tatsimi kangerlummut siullermut isikkivilerlugu, tamannalu sapaatit akunnerata naanerani ujakkaartunut aallaaviussaaq.

Silassaq ajunngippasippoq, taamaattumik ukioq manna ujakkaartartut aliannaarsaavillutik ujakkaassapput.

Powered by Labrador CMS