Inatsisartut aasaanerani rekortiliipput
Ullormut oqaluuserisassani immikkoortut 21 tallimanngorpat Inatsisartut ataatsimiinnertik Nuummi kommunalbestyrelsip ataatsimiittarfianut nuukkunik oqaluuserisassaraat
Avatangiisut allaanerussapput Inatsisartut aasaanerani ataatsimiinnertik naggasilerpassuk. Oquup politikerit inatsisartut ataatsimiittarfianit nuutsippai, kisianni Kommuneqarfik Sermersuup ikiuiumatulluni nunatsinni ataatsimiittarfiit pinnernersaasa ilaat atukkiuppaa: Kommunalbestyrelsip ataatsimiittarfia Hans Lynge qalipagai malillugit ikaartitikkanik assiliarsuartalimmut.
Sullivinnik Nakkutilliisoqarfiup oqummik nassaarneratigut aasaanerani ataatsimiinneq eqqorneqarpoq, ataatsimiinnerup naammassinissaanut ullut sisamaanngortullu. Politikerit aamma atorfillit allaffiinit Namminersorlutik Oqartussat allaffeqarfiani imaajaaneq pissutigalugit uivertoqarnerata, ataatsimiinnerup naggaserneqarnissaa ullunut marluinnarnut ikilineqarpoq.
Ullulli ataatsimiinnerit qanoq issappat: Ullumi inatsisartut aasaanerani rekortiliissapput ullormut oqaluuserisassani immikkoortut 21-t oqaluuserineqassapput, kiisalu ullormi ataatsimiiffissami kingullermi oqaluuserisassat qulingiluat oqaluuserineqassapput. Partiit isumaqatigiissuteqarnerat tunngavigalugu oqaluuserisassat allat arfinillit ukiamut ataatsimiinnissamut kinguartinneqarput. Ilaatigut pineqartut tassaapput 2010-mi Landskarsip naatsorsuutaasa siullermeerlugit oqaluuserineqarnissaat aamma Siumut siunnersuutaa assortuussutaangaatsiarsinnaasoq akuutissanik radioaktivitalinnik piaaqqusinngivinnerup atorunnaarsinneqarnissaanut tunngasoq.
Inissakinneruvoq
Inatsisartuni 31-t ilaasortaapput, kisianni ilaasortat arfineq marluk ilaasortaajunnaarput juunimi 2009-mi Naalakkersuisunut ilaasortanngoramik, aammalu ilaasortat arfineq pingasut inatsisartut avataannit ilanngupput. Inatsisartuni aamma naalakkersuisuni ilaasortat sinniisussat ilanngullugit aatillugit 39-t issiasussaapput kommunalbestyrelsillu ataatsimiittarfiani inissaaleqissapput, nerrivimmi iloqqasumi Kommuneqarfik Sermersuumi kommunalbestyrelsimi ilaasortanut 21-nut issiavissaqarpoq.
Arlaleriarluni Inatsisartunut ilaasortat ikilineqarnissaat siunnersuutigineqartarpoq. Aasaanerani ataatsimiinnermi Malik Berthelsenimit, Siumut, siunnersuutigineqarpoq inatsisartut ikilineqarnissaat, nammineq isumaa malillugu nuna tamakkerlugu politikikkut sulineq ullup affaannaani suliffittut isigineqartariaqarmat. Siunnersuut oqaluuserineqarnani oqaluuserisassanit peerneqarpoq. Ikililerinissamut akerliusut tunngavilersuutigaat naak Namminersorlutik Oqartussat suliassat akisussaaffigineqartut annertuut kommuninut tunniuttussaagaluaraat, taamaattoq suliassat annaasat Namminersorlutik Oqartussat naalagaaffimmit suliassanit akisussaaffitttalinnit tigooraanerannit taarserneqartussaapput.
Kisianni politikerit, Namminersorlutik Oqartussat allaffeqarfissuat aamma kommunip rådhusia sananeqanngikkallarmata, qanoq iliortarpat? Nuuk innuttaasut utoqqaanerit eqqaamassavaat Kalaallit Nunaata Landsrådia Tuapannguit aamma H.J. Rinsksvejimi teqeqquani barakitoqannguami ataatsimiittartut, taavalu Nuummi Kommunalbestyrelsip ataatsimiittarnitik, neriniartarfimmi Kristinemutimi ikinngutaasut ikinngutaasut taasagaanni »Mutten«, inerlattaraat.
KNR nalunaarpoq Inatsisartut Kommunalbestyrelsip ataatsimiittarfianni ataatsimiinneri radiukkut aallakaatinneqartarumaartut, ullut taakku marluk nal. qulinut aallartittumik.