Arlaqartut kalaallisut ilinnialerput
Oqaatsinik Pikkorissarfimmut allatsinnerit takkussuuttuarput, tassani alinngasissumik kalaallisut aallarterlaanut pikkorissarniarnerit ingerlanneqartarlutik
Oqaatsinik Pikkorissarfik maanna 71-inik alinngasissumik kalaallisut aallarterlaanut ilinniartoqarpoq. Peqataarusullutik allatsinnerit amerliartorput, nalunaarsuinerillu kingulliit takutippaat oqaatsinik inatsisip atuutilerneratigut kalaallisut oqaatsit atuutsinneqaleriartornerat, Oqaatsinik Pikkorissarfik nalunaarpoq, ukiup aappassaanik tulleriissillugit taamatut pikkorissartitsisartoq.
Pikkorissarneq imaappoq:
- Ullormi suliassat SMS-ikkut nassiunneqartut suliarineqassapput suliffimmi oqaatsinik ilitsersuisoq peqatigalugu. Ulluinnarni sungiusarnerit www.grl.eforum.gl-imi akunnerit aappaat avillugu sapaatit akunnerannut. Aammattaaq neqeroorutigineqarpoq online-kkut ilinniartinneqarneq video atorlugu ataatsimiititsinermi atortorissaarutit atorlugit sapaatit akunnerannut akunnerit aappaat avillugu. Pikkorissartut Kalaallit Nunaat tamakkerlugu aggersuupput pingasullu Danmarkimi allatsissimasuullutik.
Pingaarnerutinneqarpoq internetti atorlugu najuukkani ilinniarnerit aningaasartuutinut sipaarutaammat, aningaasat angalanernut najugaqarnernullu atugassaraluit sipaarneqarput, ilinniartorlu oqaatsit ilinniarpai atorfissaqartitamini tassani. Ilinniarneq ingerlanneqarsinnaavoq piffissaq sumiinnerlu apeqqutaatinnagit.