Snowboardertartut medaljannattaqattaartut

Snowboarderluni DM-eqarnermi kalalalit peqataasut saqqarmiortaarsimallutik angerlassapput

Kalaallit snowboardertartut unammeqataalluavipput. Assi toqqorsivimmit. Assiliisoq: Leiff Josefsen

Snowboardernermi DM-eqarneq Norgemi ingerlanneqartoq kalaallinit arfinilinnit peqataaffigineqarpoq - inersimasut sisamat marlullu inuusuttuaqqat - kalaallit peqataasut iluatsitsilluavipput.

Marlunngornermi Marco Geisler, aqqanilinnik ukioqartoq, Battalion Sessionimi kuultinnappoq pitsaanerpaanik trickeqartarnermigut. Angutini inersimasuni aamma taamatut pisoqarpoq, tassani Michael Damgaard ajugaagami.

Pingasunngornermi Michael Damgaard Big Airimi sølvinnappoq. Taamatuttaaq Marco Geisler Big Airimi angutini inuusuttuni sølvinnalluni.

Sisamanngornermi Marco Geisler boardercrossimi sølvinnappoq kalaallini kisiartaalluni.

Aamma tallimanngornermi Adage Slopestylemi naatsorsuutigineqarpoq kalaallit peqataasut medaljannattaatik ilaartussagaat.

Powered by Labrador CMS