Oqaatsit pilugit pikkorissarneq soqutigineqarluartoq
Pikkorissarnerit akeqanngillat kikkunnillu tamanit ingerlanneqarsinnaallutik
Ukioq ataaseq qaangiuppoq www.sermersooq.dk -mili saqqummiunneqarmat 10.000-it sinnerlugit nittartagaq Dansk – Grønlandsk, Grønlandsk – Dansk aallarterlaanut oqaatsinik pikkorissarneq alakkarneqarsimavoq. Taamatut ilisimatitsivoq Ebbe Kristensen Dansk Grønlandsk Sproggruppemeersoq tusagassiuutitigut nalunaarummi.
Ukiup ataasinngornera nalliussiniarlugu Dansk Grønlandsk Sproggruppe aalajangiivoq pikkorissarneq tamanut kalaallisut ilinniarusuttunut imaluunniit danskisut oqalussinnaanerminnik pitsaanerulersitserusuttunut pissarsiarineqarsinnaasunngortinniarlugu.
Maanna kikkut tamarmik computeriminnut nuussinnaalerpaat, ikinngutiminnullu aamma ilaquttaminnut nassiuteqqinniarlugu uani aasinnaavaat: www.sermersooq.dk imaluunniit http://sermersooq.dk/dkglp8c.html
Pikkorissarnissaq aamma suliffeqarfinnut namminersortunut pisortallu suliffeqarfiutaannut ammaanneqarpoq, sulisutik tassannga pikkorissarnissaat neqeroorutigerusukkunikku. Pikkorissarneq akeqanngilaq, Ebbe Kristensen ilisimatitsivoq.