Illoqqortoormiuni eqqumiitsuliorneq
Eqqumiitsuliorlutik assilialiortartut Eva Weis Bentzon aamma Elin Kroman Illoqqortoormiuni Ejnar Mikkelsenila Aluarpia pinnersarpaa
Eqqumiitsuliortut Eva Weis Bentzon aamma Elin Kromann titartaanermut-qalipaanermut workshopeqartitsipput Illoqqortoormiuni Ejnar Mikkelsenila Aluarpiani martsimi aamma apriilimi.
Tamanna ilaatigut kinguneqarpoq Timersortarfeeqqami marlunnik pinnersaasoqarneranik kalaallip qalipaasup Hans Lyngep qalipagai marluk aallaavigalugit.
Workshop iluatsitsilluarpoq, tassani atuartut piumassuseqarluarlutik, eqqarsarluarnermikkut aamma ilungersuussinermikkut suliaqarlutik, Eva Weis Bentzon aaqqissuisoqarfimmut mailikkut taamak allappoq.
- Sulineq atuarfimmi ingerlanneqarpoq, maanilu sulisartut pikkorissut suleqatigilluarpagut, Eva Weis Bentzon oqarpoq.
Suliaq Nunafondenimit, Danske Lions Grønlandsfondimit, Micropuljefondenimit aamma Sermersuup sunngiffimmi ingerlatsivianit tapiiffigineqarpoq.
Elin Kromann Illoqqortoormiuni meeraanermini najugaqartuuvoq.
- Atuartut suliaat nivinngaavinni marlunni atuarfimmi nivinngarneqarput, Eva Weis Bentzon oqarpoq.
Eqqumiitsuliortut taakku marluk pillugit uani allanik takusaqarsinnaavutit:
www.elinkromann.dk
www.evaweisbentzon.dk