Meeqqat arnallu aamma peqataassapput

Qimusseq Sisimiut poorskimi aamma poorskereerpat arfininngornermi naggataartitsilluni fiistertitsinermut meeqqanik, inuusuttuaqqanik, arnanik aamma aappariinnik qimussimik sukkaniulluni unamminermi peqataaqqusivoq.

Peqatigiiffik qamuteralaatillit aamma allat qimussertut qinnuigaat qimusserluni sukkaniunnermi unamminermi peqataasunik innimiginneqqullugit.

Unamminerup nalaani ataatsimoorluni nuannisaaqatigiittoqassaaq, aamma najugassanik kissartunik, pølsinik allanillu nioqquteqartoqassaaq.

Peqataagit ullorlu uagut peqatigaluta nuannisaaqatigiiffigisigu, Qimusseq Sisimiut kajumissaarivoq.

Ukioq manna piffissaq qimusserfiusoq naggataarlugu peqatigiiffik ukiumoortumik fiistertitsiniarpoq arfininngornermi apriilip 30-ani nal. 19.00 Katersortarfimmi, tassani unamminermi peqataasut ikiuuttullu akeqanngitsumik isersinnaatitaassallutik. Kikut tamarmik tikilluaqqusaapput.

Meeqqat/inuusuttuaqqat arfininngornermi 23. april nal. 13.00:

12 -15 ukiullit, amerlanerpaamik qimmit 8, Nalunnguarfimmiit Niuiarfimmut uterlugulu.

8 -11 ukiullit, amerlanerpaamik qimmit 5, Nalunnguarfimmiit Puertuup Kuuanut uterlugulu.

0 -7 ukiullit, amerlanerpaamik qimmeq 1, Nalunnguarfimmiit kaajallallugu uterlugulu.

Arnat sapaammi 24. april nal. 13.00

Amerlanerpaamik qimmit 8, aallarfissaq tikiffissarlu nutaat Aqqusinertaarsuup eqqaani qimmit kangilliit kangiartugaaniik uterlugulu (Puertuup Kuuanut nuunneqarpoq imeqarfiup ataani).

Aappariit pisarnertut unamminerat pissaaq arfininngornermi 30. april nal. 13.00

Aappariit (angut arnarlu), amerlanerpaamik qimmit 15, Aqqusinertaarsuarmi qimmit kangilliit kangiartugaaniik Qiterlinnguamut uterlugulu (Purtuup Kuuanut nuunneqarpoq imeqarfiup ataani).

Peqataanissamut nalunaartoqassaaq ullormi unammiffissami, aallarfissami apuuffissamilu, tassani aallarfissat makitsissutigineqassallutik. Peqaasussat (meeqqat 0 - 7-nik ukiullit kisiisa pinnagit) ilaasortaanissaat piumasaqaataavoq, peqataanissamut nalunaarneq pissaaq ullormi unammiffissami.

Paasissutissanik annertunerusunik pissarsiniaraanni sukkaniullunilu unamminermi malittarisassat pillugit paasissutissat uani takuneqarsinnaapput: www.qimusseq.org