Tuttut Nunaat

Maniitsoq Katersugaasivia marlunngorpat saqqummersitsinermik nutaamik ammaassaaq

Maniitsumi katersugaasivik nutartigaq. Assiliisoq: Tea Dahl Crhistensen
Katersugaasivimmi oqaluttuanut ini - tassani Jens Kreutzmannip oqaluttuai tusarnaarneqarsinnaapput. Assiliisoq: Tea Dahl Crhistensen
Katersugaasivimmi assistenti Abel Bendtsen saqqummersitsinissamut kingulliit piareersarai. Assiliisoq: Tea Dahl Christensen
Katersugaasivimmi oqaluttuanut ini - tassani Jens Kreutzmannip oqaluttuai tusarnaarneqarsinnaapput. Assiliisoq: Tea Dahl Crhistensen Katersugaasivimmi assistenti Abel Bendtsen saqqummersitsinissamut kingulliit piareersarai. Assiliisoq: Tea Dahl Christensen Maniitsumi katersugaasivik nutartigaq. Assiliisoq: Tea Dahl Crhistensen Katersugaasivimmi oqaluttuanut ini - tassani Jens Kreutzmannip oqaluttuai tusarnaarneqarsinnaapput. Assiliisoq: Tea Dahl Crhistensen Katersugaasivimmi assistenti Abel Bendtsen saqqummersitsinissamut kingulliit piareersarai. Assiliisoq: Tea Dahl Christensen Maniitsumi katersugaasivik nutartigaq. Assiliisoq: Tea Dahl Crhistensen Katersugaasivimmi oqaluttuanut ini - tassani Jens Kreutzmannip oqaluttuai tusarnaarneqarsinnaapput. Assiliisoq: Tea Dahl Crhistensen

Apriilip 19-iani Maniitsumi Katersugaasiviup saqqummersitsineq atajuaannartussaq nutaaq "TUTTUT NUNAAT/RENSDYRLAND” ammassavaa.

2010-mi qaammatini siullerni atuakkanik atorniartarfik illutoqqamit peqqumaasivimmit Illunnguani iliveqarfitoqqamit kommunip allaffianut nutserpoq. Tamatuma kinguneranik saqqummersitsinissamut nutaamut periarfissaqalerpoq, tamannalu katersugaasiviup avammut nittarsaannermini "sakkussaasa" ilagissavaat. Taamatut allappoq katersugaasivik tusagassiuutitigut nalunaarummini.

Saqqummersitsineq ukiut aappaat avillugu piareersarnerup kinguneraa, katersugaasiviup ilaatigut Maniitsumi avaariartartut apersornerisigut nunanilu tamalaat ilisimatusarnikkut suliniutaanni peqataanermigut ”Angujaartorfik – rensdyrjagt i fortid og nutid” (Angujaartorfik - qanga ullumikkullu avaariartarneq) kinguneraa.

Tassani nunami inoqaleqqaarmalli avaariarnermi maniitsormiut qangaanilli ileqqui saqqummersitsinermi pineqarput. Saqqummersitsinermi ilaatigut saqqummersinneqarpoq avaariartarneq tamatigut assigiittanngitsoq, tamatumunngalu annertuumik pissutaasartoq qanoq tuttoqartiginera, teknologi aamma piniariarnermi ileqqut.

Saqqummersitsineq katersugaasivimmi immikkut misigisassaavoq - tamanna misiginarpoq "timaanukaraanni" niuertorutsip Jens Kreutzmannip timaanik nunap assingaliaani, imaluunniit kalaallit timaaniittarneq pillugu oqaluttuaat issiavimmut puuliamik sanaamut issiaatigaluni tusarnaaraanni.

Nunatsinni saqqummersitsinerit siullersarinnguatsiarpaat saqqummersitsinermut isertinnani isikkakkut atukkat peertariaqarlugit, timaani nunamut eqqumiiginarsinnaasumut.

Allatut oqaatigalugu: Katersugaasivimmi immikkut misigisassamut kikkut tamaasa tikilluaqquagut!

Powered by Labrador CMS