Millionoverskud hos Royal Arctic Line millionilikkaanik sinneqartoorpoq

Royal Arctic Line A/S-ip Ukiumoortumik Nalunaarusiaa 2010 siulersuisunit akuersissutigineqaqqammerpoq. tassani takuneqarsinnaavoq 2010-mi sinneqartoorutit akileraaruteqannginnermi sinneqartoorutit 41 millionit koruuniustu kiisalu akileraarutit ilanngaatigereerlugit 29 millionit koruuniusut

Roayl Arctic Line 2010-mi millioninik arlalinnik sinneqartooruteqarpoq. Assiliisoq: Leiff Josefsen

Sinneqartoorutit 2009-mut sanilliussilluni qaffariaataat pitsaavoq, taammani sinneqartoorutit akileraaruteqannginnermi 23 millionit koruuniupput, akileraaruteqareernermilu 19 millionit koruuniupput. Naatsorsuutitigut angusat ukiup affaata ingerlareernerani nalunaaruteqarnermi ilimagisanit 15 millionit koruuninit qaffasinnerupput, tamatumunngalu ukiup naalernerani kaaviiaartitat qaffannerat pissutaaneruvoq, suliffeqarfik tusagassiuutitigut nalunaarpoq.

Naatsorsuutitigut angusat pitsanngornerannut pissutaasut arlaliupput. Ilaatigut isertitat qaffapput ingerlatsinerit annertusinerannik tunngaveqartumik aamma niuerfinnik nutaanik pilersitsinikkut, aammattaaq suliffeqarfissuup siunissamut pilersaarutai malillugit aningaasartuutit ingerlatsinermut atuuttumut naleqqussarnerannik tunngaveqartumik.

- Royal Arctic Linep 2010 ajunngitsumik anigorpaa. Naatsorsuutit inernerisa takutipppaat akileraaruteqannginnermi sinneqartoorutit 41 millionit koruuniusut. Nassiussat assartukkat Kalaallit Nunaannukartut annertussusiisa naatsorsuutigisat suli angumanngilaat, kisianni tamanna nunatsinnit nassiussat annertuseriarnerisa nalimmassarpaat, Royal Arctic Line allappoq.

Powered by Labrador CMS