HIV-toqarnera ilumuunngilaq
Peqqissutsimut Naalakkersuisoqarfiup Sisimiuni HIV-mik annertuumik tunillaassuisoqarneranik oqalunneq ilumuunnginerarpaa
Mailit aamma sms-it Sisimiuni arnaq HIV-mik nappaatilik piaaraluni angutinik tallimanik tunillaasimaneraasut imaaginnaavipput. Taamatut pisoqarneraalluni siaruarterinerup Sisimiuni innuttaasunit toqqisimajunnaartitsvoq aamma Sisimiuni napparsimaveqarfik angajoqqaanit ernumassuteqartunit amerlasuunit saaffigineqartarput.
Sisimiuni peqqinnissaqarfiup taamaattoqarnerallugu siaruarterisoqarnera sakkortuumik ilumunnginnerarpaa. HIV-mik nappaatillit akornanni allanngortoqanngilaq aamma Sisimiuni HIV-mik nappaatilinnik nutaanik nassaartoqanngilaq.
- Naalakkersuisoqarfiup pisoq manna ilungersunartutut isigaat, tassami pisariaqanngitsumik innuttaasut akornanni toqqissisimajunnaartitsimmat. Taamaattumik maannakkut nalunaaruteqarpugut taamaattoqarneraasoqarnera ilumuunngitsuusoq. Innuttaasut kaammattorusuppavut eqqunngitsumik oqaluttuarneq unitsinniarlugu peqataaqqullugit, taamaaliorsinnaapput allakkat nassiuteqqinneratigut, naalakkersuisoqarfimmi pisortaq Ann Birkekær Kjeldsen oqaaseqaateqarpoq.
Naalakkersuisoqarfimmi pisortap periarfissaq iluatsillugu erseqqissarpaa, atoqatigiinnermi imminut paarinissap qanoq pingaaruteqartiginera.
- Paarisap aamma peqqinnissaqarfiup nukippassuit atorlugit usuup puuisa ilisimaneqarluarnerulerneqarnissaat aamma atornissaat, tassami usuup pua kinguaassiutitigut nappaatit siaruannginnissaannut aamma kissaatiginngisamik naartulernissamut iluaqutaammata, Ann Birkekær Kjeldsen oqarpoq.