Pisuut imerajuttut ernumasaarneqarput

»Vinip uummatit ajoqusersinnaavaa«, »Imigassaq toqutsisinnavoq«, »Naartuguit, imigassap meeqqavit peqqissusia ajoqusersinnaavaa«. Mianersoqqussutit taamaattut puujaasani vininik aamma gininik imalinni aammattaaq ernumasaarutit soorlu assersuutigalugu tinguit aamma uummatit imigassamik ajoquserneqarsimasut assilineqarneri ilanngullugit qallunaat pigissaarnerit akornanni imerajuttuunermik kultureqarnerup annertuup unikaallatsinneqarnissaanut atorneqarniarput, Berlingske allaaserisaqarpoq.

Taamatut pinaveersaartitsinermut immikkut ilisimasallit siunnersuuteqarput, ippassaq Sundhedsstyrelsenio nuna tamakkerlugu peqqissutsip ilisarnaataanik saqqummiussereernerata kingorna, tassani takuneqarsinnaavoq qallunaat pigissaakannersut akornanni ilinniartitaanernik sivisuumik ingerlatariaqakkanik ilinniagaqarsimasut aamma isertitaqqortuut akornanni akuttunngitsumik annertuumillu imertoqartartoq. Taakku akornanni amerlasuut pujortarunnaarsimagaluarput aamma qasujaallisartalersimallutik kisianni imertarnertik ingerlatiinnarpaat, tamannalu ima annertutigaaq peqqissusiannut navianaataasinnaalluni.

- Pigissaakannersut assorsuaq nikeriarsimapput oqariartuutinullu tusaaniarsimallutik, tamakkunani pineqarpat nerisaqarneq, qasujaallisaartarneq aamma tupa. Tullinnguuttariaqarparput imigassaq taannami pujortartarnermut tulliulluni »toqoraasuuvoq« annertooq. Tamatumani assut malersugassaqarpugut, AKF-imi pisortaq Mette Wier oqarpoq, pinaveersaartitsinermut isumalioqatigiissitami siulittaasuusimasoq.

Ilimagineqarpoq imigassap ukiumut inut 4.500 missaannik amerlassuseqartut toquneqarannut pissutaasartoq. Misissuineq tunngavigalugu qallunaat qulissaasa nalorninartutut killissarititaasoq, tassa sapaatit akunnerannut angutinut 21-nik arnanullu 14-inik ataasinnguartorsinnaaneq, sinnerlugit imigassartortartut. Sisamassaasa nalorninartorsiornissamut killisarititaasoq ataallugu angutinut ataasinnguit 14-it arnanullu arfineq marluk imigassartortarput, kiisalu suli amerlanerit - 28,7 procentit - nalunaarpaat akuttunngitsutigut tallimanik ataasinnguartortarlutik.

Annertunerusumik atuarit: uani