Kangilinnguani Sakkutooqarfimmi saqqarmiuliineq nersornaasiinerlu
Marineoverkonstabel, Jackie Bærnthsen, Illersornermut Sakkutooqatigiit saqqarmiuliuttagaannik saqqarmiortaartinneqarpoq "Operation Ocean Shield"-imi peqataasimanini pissutigalugu
Tallimanngorneq marsip 11-ani Kangilinnguani Sakkutooqarfimmi sulisut marluk nersornaaserneqarput saqqarmiulerneqarlutillu, Kangilinnguani Sakkutooqarfik nittartakkamini allaaserisaqarpoq:
Timmisartortartut naalagaat, Michael Bohnstedt-Petersen, timmisartortartutut PEM-imik taaguutilik ukiuni 25-ni sulereersimanerminut tunngatillugu Forsvarets Hædertegnimik saqqarmiulerneqarpoq.
PEM sakkutuunngorpoq VPL-iulluni 1985-imi radiulerisutut sakkutuujusimavoq, USAmi ukiuni 87-88 navigatøritut ilinniarpoq, timmisartut G3 aamma C-130 atorlugit sakkutooqatigiinni 721-mi timmisartortartuusimavoq, Tysklandimi Ramsteinimi NATOmi sakkutuutut sulisimalluni (aallartitaaqqillunilu Kabulimut ISAF, HQ-imi sulilluni) maannakkullu Kangilinnguani Sakkutooqarfimmi aappassaannik sakkutuujulluni.
Marineoverkonstabel, Jackie Bærnthsen, Forsvarets saqqarmiulitagaannik saqqarmiortaartinneqarpoq "Operation Ocean Shield"-imi peqataasimanini pissutigalugu.
Jackie Bærnthsen 2008-mi sakkutuunngorpoq sorsuutit ilaaffigisimasai tassaallutik Peter Tordenskjold, Absalon, Esbern Snarre maannakkullu Kangilinnguani Sakkutooqarfimmi sakkutuujulluni.
Kangilinnguani Sakkutooqarfimmi pisortaagallartoq orlogskaptajn Michael Hjorth, illersornissamut pisortaq general Knud Bartels sinnerlugu, sulisunik marlunnik saqqarmiuliisuusoq, nittartakkami allaaserineqarpoq.