Air Greenland Facebookimi
Ataasinngornermi martsip 14-ianinngaanniit Air Greenland Facebookikkut quppernermi uani takuneqarsinnaalerpoq: www.facebook.com/airgreenland
Tassani nuannarinnittai siunissami unammisitsinerni peqataasinnaapput, suliniutaalu pillugit nalunaarutinik pisinnaalerlutik. Aammattaaq suleqataasunit apeqqutit akineqartarumaarput, imaluunniit sammisat soorlu unammillerneqarnerulerneq aamma sullissineq pillugit oqallitsitsisoqartarumaarpoq. Air Greenlandip Facebookimi nittartagaa taanna maannamut ilisimaneqanngitsumik aaqqissorneqartarpoq, kisiannili ataasinngornermit suliffeqarfik nittartakkamik ingerlatsisuulissaaq, Air Greenland tusagassiuutitigut taamak nalunaarpoq.
Sullitanik attaveqartarneq Air Greenlandimut pingaaruteqarpoq ingammik unamminartunut sanilliullugu maanna suliffeqarfiup siunissami naammattuugassai, tassuunatigullu Facebook aqqutissaalluarpoq. Taamaattumik suliffeqarfiup aalajangiuppaa attaveqarnermik suliaqarnermini attaveqarnermik aqqutissatut Facebook aqqutigisarniarlugu.
- Aalajangersimavugut Facebook aqqutigalugu sullittakkatsinnik attaveqaqatigiittarnissaq, ukiuni kingullerni paasisimagatsigu suliffeqarfiup sullittakkanut attaveqaqateqartarnissaanut atatillugu Facebook qanoq pingaaruteqartigisoq, Michael Binzer oqarpoq.
Air Greenlandip Facebookimiilerneranut atatillugu tamatuma avammut saqqumminnerani Michael Binzer suliffeqarfiup sullittagaanik attaveqarnissamut - chat-ernissamut - ataasinngornermi martsip 14-iani nalunaaqutaq 18.30-minngaannit 19.30-p tungaanut piareersimassaaq, tassa Sermitsiaq.ag-mi nalunaaqutaq 15.00 – 18.00 oqallitsitsereernerup kinguninnguatigut.